Karl-Heinz Schnellinger

Karl-Heinz Schnellinger (* 31. März 1939 in Düren) is en ehmalger düütsch Footballspeler.

De Afwehrspeler fung sien Loopbahn 1949 bi SG Düren 99 an un wessel 1958 to’n 1. FC Köln, wo he bit 1963 bleev. He weer een vun de eerst düütsch Spelers, de in’t Utland wesseln deen. He speel tonächst in de Saison 1963/64 bi AC Mantua un de Saison dorup bi AS Rom, bevör he 1965 to’n AC Mailand wesseln dee, wo he bit 1974 bleev. To’n Afsluss vun sien Loopbahn speel he bit 1975 doch noch een Saison in de Bundsliga för Tennis Borussia, deren Afstieg he aber ok nich verhinnern kunn.

För de düütsch Natschonalmannschap hett he in de Johren 1958 bit 1971 insgesamt 47 Lännerspelen maakt, in de he een Door scheeten dee, dat weer dormals de Utgliek bi dat so nöömt Johrhunnertspeel bi de Footballweltmeesterschap 1970 in Mexiko gegen Italien, dat de Düütschen aber toletzt doch verloren hemm. He weer ok all 1958 1962 un 1966 bi Footballweltmeesterschapen dorbi ween.

Ehrungen

1962 wurr he Footballer vun dat Johr in Düütschland.

Borns

• Bernd Rohr, Günter Simon: Fußball-Lexikon, 2004 Copress Verlag, ISBN 3-7679-0829-8