Karl-Heinz Paulsen

Vun Wikipedia
Zur Navigation springen Zur Suche springen

Karl-Heinz Paulsen (* 2. Dezember 1909 in Hamborg; † 18. August 1941 bi Narwa) weer en düütsch Ozeanograph un Polarforscher.

Leven[ännern | Bornkood ännern]

Karl-Heinz Paulsen hett bit 1929 de Böverrealschool in Uhlenhorst besöcht. Dornah hett he en Ozeanographiestudium an de Universität Hamborg anfungen, dat he 1940 mit de mündlich Dokterprüfung afslooten hett. In’ Tweeten Weltkrieg deen he as Leutnant bi de Infanterie; toletzt as Kompaniechef vun en Maschinengewehr-Kompanie. In’ Sömmer 1941 is he an de Ostfront fallen.

Antarktisforschung[ännern | Bornkood ännern]

De düütsch Walfangflotte wurr in de Johren vör den Tweeten Weltkrieg in jeder Fangsaison en Ozeanograph todeelt. In’ Süüdsömmer 1937/38 is Paulsen mit de „Jan Wellem“ eerstmals in’t Süüdpolarmeer fohren. Wegen sien dor maakt Erfohrungen hett hüm Alfred Ritscher in dat folgen Johr in de Expeditschoonsmannschap vun de Düütsche Antarktische Expeditschoon 1938/39 beropen. Paulsen kunn sien Beobachtungen, afsehn vun en Vörbericht[1], nich mehr sülvst herutgeven. Nah sien Dood wurrn de Meetreegen 1951 vun dat Düütsch Hydrographisch Institut[2] un de Utwerten dorvan 1958 dör Fritz Model[3] publizeert.

De Paulsenberge in Neuschwabenland (Ostantarktis) wurrn nah Karl-Heinz Paulsen nömmt.[4]

Enkeld Nahwiesen[ännern | Bornkood ännern]

  1. K.-H. Paulsen: Die ozeanographischen Arbeiten. In: Annalen zur Hydrogeographie und Maritimen Meteorologie 1939, August-Biheft, S. 29–33.
  2. Fritz Model un Alfred Ritscher: Walfangreise „Jan Wellem“ 1937/38 un Deutsche Antarktische Expedition „Schwabenland“ 1938/39: Karl-Heinz Paulsens Serienbeobachtungen im Antarktisch-Atlantischen Ozean. Serie XII, Nr. 73. Deutsches Hydrographisches Institut, 1951.
  3. Fritz Model: Ozeanographie des Weddellmeeres. In: Wissenschaftliche und fliegerische Ergebnisse der Deutschen Antarktischen Expedition 1938/39. Band 2, Striedieck, Hamborg, 1958, S. 63ff.
  4. http://141.74.33.52/stagn/geoname-antarctic/geo_nam_ant_p2.html, Institut für Angewandte Geodäsie (Hrsg.), 1993, Verzeichnis deutschsprachiger geographischer Namen in der Antarktis in dat Journal:Nachrichten aus dem Karten- und Vermessungswesen, Sonderheft, Blatt 1-3, afropen 31. August 2013

Literatur[ännern | Bornkood ännern]

  • Alfred Ritscher (Hrsg.): Wissenschaftliche und fliegerische Ergebnisse der Deutschen Antarktischen Expedition 1938/39. Band 1, Koehler & Amelang, Leipzig, 1942, S. 28.
  • Alfred Ritscher (Hrsg.): Wissenschaftliche und fliegerische Ergebnisse der Deutschen Antarktischen Expedition 1938/39. Band 2, Striedieck, Hamborg, 1958, S. 63–64.