Kanton (Frankriek)

Vun Wikipedia
Zur Navigation springen Zur Suche springen

En Kanton (franzöösch canton) is in Frankriek en Wahlkreis för de Wahlen to’n Départementraad.

Historie[ännern | Bornkood ännern]

De Kantons sünd 1790 na de Franzöösche Revolutschoon inricht worrn.

2015 hett dat 4055 Kantons för de Wahl to’n Generaalraad geven (dorvon 172 in de Överseerebeden). To de Wahl in’n März 2015 is dat Wahlsystem ännert worrn. Ut’n Generaalraad is de Départementraad worrn. De 4055 Kantons sünd kumplett nee indeelt worrn. Sietdem gifft dat 2054 Kantons. Een von de Grünn för dat Neeindelen weer, dat siet 2015 in jeden Kanton jümmer en Mann un en Fro tohoop wählt warrt.

En Kanton kann en Deel von en Gemeen ween, kann aver ok ganze Gemenen un Delen von verschedenen Gemenen ümfaten. Dorbi kann de Kanton ok över de Grenzen von en Arrondissement rövergahn.

In de Rebeden Paris, Métropole Lyon, Franzöösch-Guayana un Martinique gifft dat Besünnerheiden in dat Wahlsystem, so dat de Kantons keen Rull speelt.