Justin Timberlake

Vun Wikipedia
Timberlake in dat Johr 2013

Justin Randall Timberlake (* 31. Januar 1981 in Memphis, Tennessee) is en US-amerikaansch Popmusiker, Komponist, Moderater un Schauspeler. He wurr allgemeen Enn' vun de 1990er Johren as Liddmaat un Frontsinger vun de ehmalig Boygroup *NSYNC bekannt. Mit de Veröffentlichung vun sien Alben Justified un FutureSex/LoveSounds entwickel sück Timberlake in de 2000er Johren to en kommerziell spoodrieken un mit mehreren Musikpriesen uttekent Solokünstler.

Anfang vun sien Loopbahn[ännern | Bornkood ännern]

Timberlake is dat eerste Mal in' Rahmen vun de Talentshow Star Search uptreden, wo he aber nich Sieger wurrn is. Anfang vun de 1990er Johren gung dat mit sien Karriere los, as Liddmaat vun de Feernsehshow Mickey Mouse Club, in de he as Moderater, Singer un Schauspeler neben latere Showgewarf-Grötten as Christina Aguilera, Britney Spears, Schauspelerin Keri Russell un Bandkollege JC Chasez arbeiten dee.

Af Harvst 1996 wurr he as Leadsänger vun de Boygroup *NSYNC bekannt. Fiev Alben un twalf Singles hett de Band rutbrocht, bevör se sück in' Fröhkohr 2022 entslooten hebbt, sück trotz anhollen Spood uptolösen.

Solokarriere[ännern | Bornkood ännern]

2002–2005: Eerst Album un „Nipplegate“[ännern | Bornkood ännern]

In' November 2002 broch Timberlake sien eerst Solo-Album Justified herut. Noch starker as fröhere Upnoahmen tekent sück de Plaat vör allen dör hör starken Infloot vun R&B un Hip-Hop ut, utlöst dör de Tosommenarbeit mit The Neptunes un Timbaland. De Single-Utkoppeln Like I Love You, Cry Me A River, Rock Your Body un Senorita weern weltwiet spoodriek un hebbt hüm ünner annern to twee Grammys in de Kategorien „Best Pop Vocal Album“ un „Best Male Pop Vocal Performance“verhulpen. Bit hüüd wurr Justified weltwiet mehr as 7 Millionen Mal verköfft.

In' Februar 2004 hett he mit de so nömmt „Nipplegate“-Affäär en amerikawieden schandaal utlöst, indem he wiels en Upträe bi den Super Bowl sien Duett-Partnerin Janet Jackson – nah eegen Seggen ut Versehn – vör loopen Kamera de rechte Böst freeleggen dee. Jackson un Timberlake hebbt jegliche Schuld vun sück wiest, de Umstännen sünd nie nich opkloort wurrn.

To glieker Tiet hett sück Timberlake ok as Schauspeler versöcht. All in 2004 hett he sowohl den up Video rutbrochten Thriller Edison an de Siet vun Kevin Spacey un Morgan Freeman as ok dat Drama Alpha Dog (2006) dreiht, dat künstlerisch free Begeevenheiten um den Kriminellen Jesse James Hollywood behannelt.

2006–2012: Spoodriek Tiet mit FutureSex/LoveSounds un wiedere Schauspeelaktivitäten[ännern | Bornkood ännern]

Justin Timberlake bi en Konzert in Minnesota (2007)

In' September 2006 keem Timberlake sien tweet Soloalbum FutureSex/LoveSounds herut. De vun Timbaland un will.i.am produzeert Plaat steeg sowohl in den USA, Grootbritannien, Kanada un Australien as ok in elf anner Länner up Platz 1 vun de Albumcharts in, reck aber ok in Düütschland, Öösterriek un de Swiez nah de eerst Week de Top 5. De dorut vöraf rutbrocht Singleutkoppeln „SexyBack“ entwickel sück to en ähnlichen Spood un is in de US-amerikaansch Billboard-Charts, in Grootbritannien un Düütschland bit an de Tipp vun de Verkoop- un Airplay-Charts kommen. De tweete Utkoppeln My Love, en Tosommenarbeit mit den Rapper T.I., keem ok up Platz 1 vun de US-Charts. As darte Singleutkoppeln wurr de Song What Goes Around... in' Februar 2007 to'n eersten Mal rutbrocht. Ok What Goes Around... reck de Top Ten in verscheeden Staaten.

An' 17. Oktober 2006 stell Justin Timberlake sien eerst eegen Modekollektschoon mit Naam William Rast in Los Angeles vör. Gemeensam mit sien Früend ut Jöögdtieden, Trace Ayala, hett he Kleedasch för Fruen un Mannslüüd ünner dat Motto „Street Sexy“ entwickelt.

An' 2. November 2006 führ he as Moderater dör de MTV Europe Music Awards 2006 in dat däänsch Kopenhagen.

An' 16. Dezember 2006 wurr in de NBC-Sennen Saturday Night Live sien gemeensam mit Andy Samberg sungen parodistisch Song Dick in a Box eerstmals upführt. Dat Video wurr ansluutend vun NBC up YouTube in textlich unzenseert Form bekannt maakt un wurr in' Verloop vun dat Johr 2007 to en vun de an' meesten ankeeken Videos in't Internet. De Track wunn denn 2007 ok en Creative Arts Primetime Emmy för Outstanding Music and Lyrics. 2009 un 2011 wurr he för sien Gastuptreden in Saturday Night Live mit wiederen Emmys bedocht.

In' Mai 2007 hett Timberlake dat Plattenlabel Tennman Records grünnd, dat en Joint Venture mit Interscope Records is. He is dor Chairman un CEO. Eenzige to Tiet bekannt Künstlerin is Esmée Denters, de dör YouTube bekannt wurr. An' 2. April 2011 wunn Timberlake en Kids Choice Award in de Kategorie "Big Help", wiel he mehreren arm Kinner hulpen hett un en ümweltschonen Golfplatz baun laaten hett. He övernimmt ok jedes Johr de Schermherrschap över dat in Las Vegas stattfinnen Golfturnier togunsten vun dat Shriners Hospitals for Children.

In' Juni 2011 hett Justin Timberlake över de Firma Specific Media Andeelen an de Social Media-Plattform MySpace erwurben.[1]

siet 2013: Comeback mit The 20/20 Experience[ännern | Bornkood ännern]

In' Januar 2013 hett Timberlake ankünnigt, dat he weer Musik maken will.[2] Sien nee Album The 20/20 Experience keem an' 15. März in Düütschland herut. Timberlake sörg mit Uptreden up hoochkarätigen Veranstaltungen, in New Orleans aup de Super-Bowl-Party, to Eröffnung vun de Grammy-Verleehen in Los Angeles un bi de Brit Awards in London, för gröttstmögelke Publicity[3]. An' 23. Februar 2013 stell he in Düütschland in en bannig fiert Gastupträe in Friedrichshafen bi Wetten, dass...? den Song Mirrors vör, bevör he up de Wettcouch Platz nehm un ansluutend mit en Elvis-Imitatschoon dat Publikum begeistern kunn.[4]

Privates[ännern | Bornkood ännern]

Van 1998 bit 2002 weer Timberlake mit Britney Spears tosommen, dornah hett he van 2003 bit 2007 mit Cameron Diaz tosommenleevt.[5] Siet 2007 is he mit Jessica Biel tosommen, de he an' 19. Oktober 2012 heiraadt hett. 2008 hett Timberlake in en Interview togeven, dat he ünner ADHS un en Form vun Dwangsstörung lieden deiht.[6]

Diskografie[ännern | Bornkood ännern]

Kiek: Justin Timberlake/Diskografie un *NSYNC/Diskografie

Filmografie (Utwahl)[ännern | Bornkood ännern]

Johr Titel Synchroonsnacker
2000 Model Behavior, Feernsehn
dt.: Hilfe, ich bin ein Supermodel
Benedikt Weber
2001 Longshot
dt.: Longshot - Ein gewagtes Spiel
Wanja Gerick
2005 Edison Robin Kahnmeyer
2006 Alpha Dog
dt.: Alpha Dog – Tödliche Freundschaften
Robin Kahnmeyer
2006 Black Snake Moan Robin Kahnmeyer
2007 Shrek the Third
dt.: Shrek der Dritte
Robin Kahnmeyer
2008 The Love Guru
dt.: Der Love Guru
Robin Kahnmeyer
2009 The Open Road Marco Steeger
2011 Bad Teacher Robin Kahnmeyer
2011 Friends with Benefits
dt.: Freunde mit gewissen Vorzügen
Robin Kahnmeyer
2011 In Time
dt.: In Time – Deine Zeit läuft ab
Robin Kahnmeyer
2013 Inside Llewyn Davis Robin Kahnmeyer
2013 Runner Runner Robin Kahnmeyer
2016 Trolls, Animatschoon, Stimm Mark Forster
2017 Wonder Wheel Robin Kahnmeyer

Pries un Utteknungen[ännern | Bornkood ännern]

Grammy Awards[ännern | Bornkood ännern]

  • 2004: in de Kategorie „Best Pop Vocal Album“[7]
  • 2004: in de Kategorie „Best Male Pop Vocal Performance Pop“
  • 2007: in de Kategorie „Best Dance Recording“ för SexyBack
  • 2007: in de Kategorie „Best Rap/Sung Collaboration“ för My Love
  • 2008: in de Kategorie „Male Pop Performance“ för What Goes Around... Comes Around
  • 2008: in de Kategorie „Best Dance Recording“ för LoveStoned / I Think She Knows

American Music Awards[ännern | Bornkood ännern]

  • 2003: in de Kategorie „Favourite Pop/Rock Album“ för Justified
  • 2007: in de Kategorie „Favorite Pop/Rock Male Artist“ un „Favorite R&B/Soul Album“ för FutureSex / LoveSounds

BRIT Awards[ännern | Bornkood ännern]

  • 2004: in de Kategorie „Best International Album“ för Justified
  • 2004: in de Kategorie „Best International Male Artist“
  • 2007: in de Kategorie „Best International Male Artist“
  • 2013: in de Kategorie „Best International Male Artist“

MTV Video Music Awards[ännern | Bornkood ännern]

  • 2003: in de Kategorie „Best Dance Video“ för Rock Your Body
  • 2003: in de Kategorie „Best Male Video“ för Cry Me A River (mit Timbaland)
  • 2003: in de Kategorie „Best Pop Video“ för Cry Me A River (mit Timbaland)
  • 2007: in de Kategorie „Quadruple Threat of the Year“
  • 2007: in de Kategorie „Best Direction“ för What Goes Around...Comes Around
  • 2007: in de Kategorie „Best Choreography“ för My Love (mit T.I)
  • 2007: in de Kategorie „Male Artist Of The Year“
  • 2013: in de Kategorie „Video of the Year“ för Mirrors
  • 2013: in de Kategorie „Best Direction“ för Suit & Tie (mit Jay-Z)
  • 2013: in de Kategorie „Best Editing“ för Mirrors
  • 2013: „Michael Jackson Video Vanguard Award“

Nickelodeon Kids’ Choice Awards[ännern | Bornkood ännern]

  • 2011: in de Kategorie „Big Help“

Weblenken[ännern | Bornkood ännern]

Justin Timberlake. Mehr Biller, Videos oder Audiodateien to’t Thema gifft dat bi Wikimedia Commons.
Op Wikiquote gifft dat Zitaten to, över oder vun „Justin Timberlake“ (hoochdüütsch).

Enkeld Nahwiesen[ännern | Bornkood ännern]

  1. MySpace für 35 Millionen Dollar verkauft: Der Untergang des Vorzeige-Netzwerks in Süddeutsche Zeitung van' 30. Juni 2011
  2. http://countdown.justintimberlake.com/
  3. http://www.zeit.de/news/2013-02/13/musik-justin-timberlake-bei-wetten-dass-13184022.Afropen an' 23. Februar 2013
  4. http://www.focus.de/kultur/kino_tv/tid-29704/-wetten-dass-tickernachlese-das-format-ist-das-problem-oeder-talk-rtl-niveau-und-alberne-aktionen_aid_925547.html. Afropen an' 25. August 2013
  5. Cameron Diaz und Justin Timberlake geben Trennung bekannt in Spiegel Online van' 12. Januar 2007, afropen an' 25. August 2013
  6. http://www.bravo.de/stars/news-video/justin-timberlake-hat-ads-und-eine-zwangsstoerung
  7. Justin Timberlake: Justified up justintimberlake.com