Julie Carraz-Collin

Vun Wikipedia
Zur Navigation springen Zur Suche springen

Julie Carraz-Collin (* 25. August 1980) is en ehmalge franzöösch Biathletin.

Julie Carraz is 2001 eerstmals in en Europacuprennen in Ridnaun an den Start gahn un keem in' Sprint glieks up Platz 11. Hör Debüt in' Biathlon-Weltcup folg 2002 in Östersund. Dor wurr se 35. in' Sprint. 2003 schaff se mit de Staffel, to de neben hör ok Sandrine Bailly, Sylvie Becaert un Corinne Niogret hörrn deen, mit en darten Platz in Oberhof en ganz goot Ergevnis. To dat Enn' vun de Saison is se tietwies ok weer in' Europacup antreeden. In Gurnigel wunn se dorbi den Sprint un de Verfolgung. Julie Carraz-Collin nehm an de Europameesterschapen 2003 in Forni Avoltri deel, ebenso an de kontinentale Titelkämpe dree Johr later in Langdorf, wo se mit de Staffel up den fievten Platz keem.

In' Europacup wunn Carraz veer Rennen, teihn Mal kunn se ünner de best Dree loopen. 2004 is se to'n eersten un eenzigen Mal bi Biathlon-Weltmeesterschapen an den Start gahn. In Oberhof reck se as 28. in' Sprint eerstmalig en Ergevnis ünner de best 30 un somit de Punkteränge vun den Weltcup. Ansluutend is se bi de Militärweltmeesterschapen start un reck en 15. Platz in' Sprint un en 16. Platz in' Skilangloop. In' Sömmer is se denn noch bi de Weltmeesterschapen in' Sömmerbiathlon antreeden, ahn aber en vörderen Platz to recken. Af de Saison 2004/05 wessel se vermehrt tüschen Welt- un Europacup. To Midden vun de Saison 2006/07 wurr Carraz nah mehr as een Johr Ünnerbreeken weer in' Weltcup insett. Dreemal kunn se nu de Punkteränge recken, best Ergevnis weer en 26. Rang in dat Eenzel vun Lahti.

In de Saison 2007/08 in Ruhpolding kunn se tosommen mit Marie Laure Brunet, Marie Dorin un Pauline Macabies en för de unerfohren Staffel ganz gooden veerten Platz recken.

In den folgen Wettkamptieden hett sück Julie Carraz-Collin kontinuierlich stiegert un kunn as 11. in dat Eenzel vun Pokljuka in de Saison 2009/2010 hör gröttsten Spood fiern. 2011 hett se hör Loopbahn afslooten.

Weblenken[ännern | Bornkood ännern]