Juan María Bordaberry

Vun Wikipedia
Zur Navigation springen Zur Suche springen
Juan María Bordaberry

Juan María Bordaberry Arocena (* 17. Juni 1928 in Montevideo; † 17. Juli 2011 ok dor[1][2][3]) weer en uruguayisch Politiker un Veehtüchter. He weer van 1972 bit 1976 Präsident vun Uruguay, af 1973 herrsch he mit en zivil-militärischen Diktatur över dat süüdamerikaansch Land.

Bordaberry is 1969 in de Partido Colorado intreden un weer van 1969 bit 1972 Landwertschapsminister ünner den Präsidenten Jorge Pacheco Areco. 1971 wurr he to de sien Nahfolger wählt un hett dat Präsidentenamt 1972, midden in en Wertschapskrise, antreden. He hett denn versöcht, mit autoritär Maatnahmen Herr vun de Laag to wurrn un hett Liddmaaten vun dat Militär in sien Regeeren halt. Ünner den Druck vun dat Militär hett Bordaberry dat Parlament uplööst, Gewerkschaften verboden un de Börgerrechte buten Kraft sett. Dat all broch aber nich den Spood, den sück dat Militär so vörstellt harr un so hebbt se Bordaberry 1976 afsett. Sien Nahfolger wurr denn för en Övergangstiet de achtzigjohrig Alberto Demicheli.

An’ 10. Februar 2010 hett hüm en Gerichtshoff in Montevideo to 30 Johren Haft veroordeelt. Hüm wurr de Bröök vun de Verfaaten un de Errichtung vun en zivil-militärischen Diktatur vörschmeeten. Bordaberry seet all siet November 2006 wegen politisch Gewaltverbreken in Haft, hett sien Straaf aber siet Januar 2007 ut gesundheitlich Grünnen in’ Huusarrest afseeten.[4].

Sien Söhn is de Politiker Pedro Bordaberry, de to de Präsidentschapswahlen 2009 in Uruguay antreden is.

Vörgänger Amt Nafolger
Jorge Pacheco Areco Präsident vun Uruguay
1. März 1972 – 12. Juni 1976
Alberto Demicheli

Enkeld Nahwiesen[ännern | Bornkood ännern]

  1. Gestorben - Juan María Bordaberry (bi Der Spiegel)
  2. Ex-Uruguayan dictator Bordaberry dies at 83
  3. Former Uruguayan dictator Juan Maria Bordaberry dies
  4. Harald Neuber: Ein Mörder, kein Verfassungsschützer, telepolis.de, 8. April 2010

Weblenken[ännern | Bornkood ännern]