Jost Capell
Jost Capell (ok Jodocus; * 1593 in Lübeck; † 28. Februar 1660 in Hamborg) weer en düütschen Theoloog un Pädagoog.
Capell is 1593 as Söhn von Jos Capell (1549–1627) in Lübeck boren.[1]
He weer von 1619 bet 1625 Rekter von dat Athenaeum in Stood. Von 1626 bet 1629 weer he denn Pastoor an de Nikolai-Kark in Billwarder un von 1629 bet to sien Dood 1660 Diaken an de St.-Katharinenkark.
He hett 20. August 1621 in Hamborg Oligarda Dedeken (9. Februar 1602–26. Juli 1624; Dochter von Georg Dedeken) freet. De beiden harrn de Döchter Anna Margaretha (27. November 1622–1657; hett Jacob Hackmann freet) un Elisabeth (* 16. Juli 1624).[2] In twete Eh hett he 1626 in Hamborg Christina de Loose (11. November 1600–6. April 1648) freet.[1] De beiden harrn den Söhn Rudolf (24. Januar 1635–24. April 1684; Historiker).[1]
