Joshua Lederberg

Vun Wikipedia
Zur Navigation springen Zur Suche springen
Joshua Lederberg
Joshua Lederberg (rechts) kriggt de National Medal of Science van George H. W. Bush.

Joshua Lederberg (* 23. Mai 1925 in Montclair, New Jersey; † 2. Februar 2008 in New York) weer en US-amerikaansch Molekularbioloog un Genetiker.

Werdegang[ännern | Bornkood ännern]

Joshua Lederberg studeer af 1944 an de Columbia University un hett 1947 sien Doktertitel (Ph.D.) an de Yale University bi Edward Tatum maakt. He hett de Molekularbiologin un Genetikerin Esther Lederberg heiraadt un mit hör de so nömmt Lederberg-Methood to dat Överdragen van en Bakterienkolonie van en Petrischale in en en wiedere entwickelt.[1] Van 1947 bit 1959 weer he Perfesser an de University of Wisconsin–Madison, dornah an de Stanford University in Palo Alto (Kalifornien). 1978 kehr he nah New York torüch un wurr de 5. Präsident van de Rockefeller University. Nah sien Pensioneeren 1990 kehr he weer in sien Labor torüch un hett sück wiederhen mit eegen Forschungsprojekten un de Utbillen van Studenten befaat.

Forschungsthemen[ännern | Bornkood ännern]

1952 kunn Lederberg, footend up de Forschungen van sien Fru Esther Lederberg, gemeensam mit sien Schüler Norton Zinder nachwiesen, dat Bakteriophagen Deelen van en Bakteriengenom up en anner Bakterium överdragen können (Transduktschoon).

In dat sülvig Johr führ he den Begreep Plasmid för de neben den Hööftchromosomen vörliggen ringförmige DNA in. Todem hett he en Verfohren to dat Replica Plating entwickelt.

1960 prääg Joshua Lederberg den Begreep Exobiologie.[2][3]

In de 1960er Johren hett he mit Edward Albert Feigenbaum dat chemische Expertensystem Dendral entwickelt.

Ehrungen un Utteknungen[ännern | Bornkood ännern]

Literatur[ännern | Bornkood ännern]

Weblenken[ännern | Bornkood ännern]

Commons-logo.svg Joshua Lederberg. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen[ännern | Bornkood ännern]

  1. Jane J. Lee: 6 Women Scientists Who Were Snubbed Due to Sexism. In: National Geographic van' 19. Mai 2013.
  2. Launching a New Science: Exobiology and the Exploration of Space - The Joshua Lederberg Papers The National Library of Medicine's Profiles in Science, 2009 (afropen an' 1. Januar 2010)
  3. Lederberg, Joshua (1925–2008) daviddarling.info (afropen an' 1. Januar 2010)