Joseph Larch

Vun Wikipedia

Joseph „Sepp“ Larch (* 28. Juli 1930 in Bozen; † 7. Oktober 2011 in Weyer (Böveröösterriek) weer en öösterrieksch Bargstieger.

Sepp Larch leevt siet Anfang vun de 1940er Johren in Weyer in’t Ennstal un höör to de öösterrieksch Expeditschoon, de as Eerst op den Gasherbrum II ropstegen is. An’ 7. Juli 1956 stunn he tosamen mit Fritz Moravec un Hans Willenpart up den Tipp vun den Barg. To Anfang weern Larch un Willenpart bi disse Expeditschoon blots dorför vörsehn, Sporen to trecken, wiel eenig dat „Wiener Trio“ Hans Ratay, Richard Reinagl und Heinrich Roiss sück as Gipfeltrupp utwählt harr, aber denn sünd doch Willenpart, Larch un Moravec as Eerst baven wesen.

1950 hett Larch tosamen Kajetan Uriach as Eerst de Peternscharten-Noordwand in dat so nömmt Gesäuse, 1954 tosamen mit Leo Forstenlechner as Eerst de Dachl-Rosskuppe-Noordwand bestegen. Ok Eiger (1952 mit Karl Winter ut Scheibbs as Söbenter) un Matterhorn (1954 mit Hans Willenpart un Leo Forstenlechner als Acht) hett he över de Noordwand bestegen. 1971 weer he tosommen mit Hans Mautner un Hans Schönberger de Eerst up de Mercedario-Süüdwand as ok mit Kurt Eibl un Hans Schönberger bi dat Överstiegen vun de twee Tippen vun de Pico Polaco in de Anden[1].

1962 weer he Berader för den Film „Sein bester Freund“ vun Luis Trenker.

Sepp Larch weer siet Oktober 1962 verheiraadt un harr een Söhn.

Weblenken[ännern | Bornkood ännern]

Enkeld Nahwiesen[ännern | Bornkood ännern]

  1. Biographieinfo bi alpenverein.at