Josef Rasselnberg
Josef Rasselnberg (* 18. Dezember 1912 in Düsseldörp; † 9. Februar 2005) weer en düütsch Footballspeler un Trainer. He is vör allen dör dat WM-Qualifikatschonsspeel 1934 gegen Luxemburg in Erinnerung bleeven, bi dat he de eerst düütsch Doorschütten bi en WM-Qualifikatschoon wurr.
Karriere[ännern | Bornkood ännern]
He speel in de 1930er Johren för den VfL Benrath (Düsseldörp). (Weer) bekannt wurrn is he dör de veer Doren vun Michael Ballack an' 27. Mai 2004 in dat Testspeel vör de Europameesterschap in Portugal bi den 7:0-Sieg vun de düütsch Natschonalmannschap in Freiburg gegen den Mannschap ut Malta. Dodör wurr an sien veer Doren in dat Speel gegen Luxemborg an' 11. März 1934 bi dat 9:1 WM-Qualifikatschonsspeel för de Endrunn in Italien erinnert. Mit sien dormals 21 Johren hörrt he to de jüngsten Speler vun en düütsch Natschonalmannschap, de veer Doren in een Speel schaaten hemm.
Nah dat spoodriek Speel gegen Luxemborg truck he sück aber en langandüern Kneebesehren to un kunn dorher nich an de Football-Weltmeesterschap 1934 in Italien deelnehmen. Ok de Endrunn um de Düütsch Footballmeesterschap 1934 kunn he nich för sien Vereen, den VfL Benrath, bestrieden. Ahn den doorgefährlichen Halfstörmer lann de VfL blots en Punkt achter den FC Schalke 04 in de Gruppenspelen up den tweeten Rang. Schalke wurr an' 24. Juni 1934 mit en 2:1-Sieg gegen den 1. FC Nürnberg denn Düütsch Meester.
Eerst an' 12. Mai 1935 fier he sien Comeback in de Naschtonalmannscha bi dat Speel gegen Spanien. Mit sien Vereen hett he an de Gruppenspelen vun de Endrunn 1935 spoodriek deelnommen, is denn aber in dat Halffinale an' 2. Juni 1935 mit en 2:4-Nedderlaag gegen den VfB Stuttgart utscheeden.
An' 4. Dezember 1935 hett he sien letzt Lännerspeel för den DFB bi de 0:3-Nedderlaag gegen de Mannschap ut England maakt. Weggefährte weer in' Vereen as ok in de Natschonalmannschap de Middelstörmer Karl Hohmann.
Insgesamt speel he negen Mal för den Düütschen Footballbund un hett dorbi acht Doren schaaten.
Af 1937 speel he för Eintracht Bad Kreuznach in' Südwesten. Nah den Krieg hett he en Naamensänderung in Josef Rasselenberg beandragt. Mit Kreuznach schaff he as "Spelertrainer" 1950 in de Entscheedensspelen gegen Herdorf den Böverliga-Upstieg. He bleev Trainer bi de Eintracht bit 1961. 1956 harr he all sien Trainer-Prüfung spoodriek afleggt.
Rasselnberg, de en Frau ut Bad Kreuznach heiraadt harr, führ dor later en Zigarren- un Zigarettengroothannel.
Literaturn[ännern | Bornkood ännern]
- Bitter, Jürgen: Deutschlands Fußball-Nationalspieler. Das Lexikon. Sportverlag Berlin, 1997, ISBN 3-328-00749-0
- Bitter, Jürgen: Deutschlands Fußball. Das Lexikon. Sportverlag Berlin, 2000, ISBN 3-328-00857-8
- Skrentny, Werner: Teufelsangst vorm Erbsenberg. Geschichte der Oberliga Südwest. Klartext, 2000, ISBN 3-88474-394-5
- Querengässer, Klaus: Die Deutsche Fußballmeisterschaft, Teil 2. AGON, 1997, ISBN 3-89784-107-X