Jorge Garcia (Schauspeler)
Jorge Garcia (* 28. April 1973 in Omaha, Nebraska) is en US-amerikaanschen Schauspeler, de dör sien Hööftrull in de Feernsehreeg Lost bekannt worrn is.
Leven un Wark
[ännern | Bornkood ännern]Garcia is de Söhn vun en chileenschen Dokter un en kubaansche Schoolmeestersche. Opwossen is he in Süüdkalifornien. De High School besöch he in San Clemente. In de sövten Klass speel he den legen Kerl in en Musikprodukschoon, de op de Grundlaag vun en Comic entstahn is. Dormols hett he markt, dat he över de Schauspeleree in’t Showbusiness instiegen künn. Na dat College hett he sik dat Beverly Hills Playhouse – at is en Theater mit Schauspeelschool – anslaten, woneem he denn fast arbeit hett.
Op de Bühne weer he in Produkschonen as The Midnight Zone, Something Borrowed Something Blue, Romancing Valentino, Fiddler on the Roof, Hurleyburley un Guys and Dolls to sehn, is aver ok in Stand-up-Kummedie in Los Angeles optreden. Bito speel he Nevenrullen in tallrieke Feernseh- un Filmprodukschonen. Internatschonal bekannt worrn is he mit sien Rull in de Feernsehreeg Lost. He fallt sünners dordör op, dat he teemlich Övergewicht hett.
Siet eenige Johren is Garcia in’t Internett teemlich aktiv un bedirfft en Blog ansteed vun en professchonelle Websteed. Ok in’n Blog to Lost is he een vun de Schauspelers, de mit de meisten Antwoorten geven de[1]. To de sössten Staffel hett he butendem tosamen mit sien Bruut Bethany James Leigh Shady en egen Podcast to de Reeg bedreven.
Filmografie (Utwahl)
[ännern | Bornkood ännern]| Johr | Titel | Synchroonsnacker |
|---|---|---|
| 1997 | Raven’s Ridge | |
| 2001 | Tomorrow by Midnight dt.: After Midnight |
|
| 2002 | The Slow and the Cautious, Kortfilm | |
| 2003 | Old School, Feernsehn | |
| 2003-04 | Becker, Feernsehreeg | Dominik Auer |
| 2004 | Happily Even After | |
| 2004 | Our Time Is Up, Kortfilm | Gerhard Jilka |
| 2005 | The Good Humor Man | |
| 2006 | Deck the Halls dt.: Blendende Weihnachten |
Gerrit Schmidt-Foß |
| 2007 | Sweetzer | |
| 2004-10 | Lost, Feernsehreeg | Gerrit Schmidt-Foß |
| 2012 | Alcatraz, Feernsehreeg | Gerrit Schmidt-Foß |
| 2013 | The Ordained, Feernsehn | |
| 2013 | iSteve | |
| 2014 | Food Truck, Feernsehn | |
| 2015 | The Wedding Ringer dt.: Die Trauzeugen AG |
Tobias Nath |
| 2016 | Rock Dog, Animatschoon, Stimm | Tobias Nath |
| 2017 | The Healer | |
| 2013-18 | Hawaii Five-0, Feernsehreeg | Gerrit Schmidt-Foß |
Utteken
[ännern | Bornkood ännern]Garcia is för dien Schauspeel bit hüüt (Dezember 2014) sössteihn mol för Filmpriesen vörslahn wesen – vör allen för sien Rull in Lost. Uttenekt worrn is he bit nu dreemol:
- 2006: mit den Screen Actors Guild Award in de Kategorie Best Ensemble-Leistung in en Drama-Reeg för Lost
- 2006: mit den ALMA Award in de Kategorie Rutragen Nevendorsteller un en Feernsehreeg för Lost
- 2008: mit den ALMA Award in de Kategorie Rutragen Nevendorsteller un en Feernsehreeg för Lost
Weblenken
[ännern | Bornkood ännern]
- Jorge Garcia in de Internet Movie Database (engelsch)
Borns
[ännern | Bornkood ännern]- ↑ „For the Lost Actors“, offizielles Lost-Forum „The Fuselage“. Afropen an’n 1. März 2010.