Jonny Otten

Vun Wikipedia
Jonny Otten
Spelerinformatschonen
Geboortsdag 31. Januar 1961
Geboortsoort HagenDüütschland
Grött 180 cm
Positschoon Afwehr
Verenen in de Jöögd
Hagener SV
Verenen as Speler1
Johren Vereen Spelen (Doren)
1979–1992
1992–1993
1994
Werder Bremen
VfB Ollnborg
BV Cloppenborg
TSG Schönberg
Rodenbörger SV
349 (3)
2 (0)
Natschonalmannschop
1982
1983–1984
Olympia-Utwahlmannschop
Düütschland
1 (0)
6 (0)

1 Blots Liga-Spelen.

Jonny Otten (* 31. Januar 1961 in Hagen) is en fröheren düütschen Footballspeler.

Loopbahn[ännern | Bornkood ännern]

Jugend[ännern | Bornkood ännern]

Otten hett bi’n Hagener SV speelt un in de Saison 1978/1979 al in de DFB-A-Juniorennatschonalmannschop 17 Lännerspelen för Düütschland maakt. As A-Jugendlichen is he an’n 20. März 1979 för dat Speel in Schwenningen gegen Italien in de düütsche Natschonalmannschop von de Amateure beropen worrn. In’n Mai 1979 weer he DFB-Aktör bi dat UEFA-Turnier.

Football-Bundesliga[ännern | Bornkood ännern]

De Afwehrspeler Otten hett siene Profiloopbahn 1979 bi Werder Bremen anfungen un sien gröttsten Dalslag as Footballspeler al in siene eerste Profisaison beleevt. Tohoop mit David Watson von Manchester City un Thomas Schaaf ut de egene Werder-Jugend weer he nee an de Werser kamen. Sien Club Werder is in de Saison dat eerste Maal ut de Bundsliga afstegen. Otten is aver in Bremen bleven un een Johr later is de Vereen wedder in de eerste Liga opstegen. Ünner Trainer Otto Rehhagel hett he sik to een von de besten linken Afwehrspelers in de Bundsliga utwickelt. Nadem he 1982 in dat letzte Speel von en düütsche B-Natschonalmannschop gegen de Utwahl ut Portugal speelt harr, is he 1983 von Bundstrainer Jupp Derwall in de düütsche Natschonalmannschop beropen worrn. Siene Lännerspeelkarjeer weer aver al na söss Spelen toenn, noch vör de Europameesterschop 1984 in Frankriek. Derwall sien Nafolger Franz Beckenbauer hett Otten nich mehr wedder trügg in de Natschonalmannschop beropen.

De sportlich besten Tieden weren för Otten in dat Trikot von Werder Bremen as de Vereen 1988 de düütsche Meesterschop wunnen hett, 1991 den DFB-Pokaal un 1992 den Europapokaal von de Pokaalwinners. In’n Sommer 1992 is Otten in de 2. Liga to’n VfB Ollnborg wesselt. Na blots twee Spelen för’n VfB weer siene Profiloopbahn dor toenn. Later hett he noch för BV Cloppenborg (Vörjohr 1994), SG Schönberg 95 un den Rodenbörger SV speelt.

In 308 Bundsligaspelen hett Otten een Maal dat Door drapen un in 43 Spelen in de Twete Liga twee Maal (41/2 SV Werder, 2/0 VfB Ollnborg). Mit düsse Statistik (308 Spelen, 1 Door) is he de Feldspeler mit de gröttste Tall Spelen in de eerste Bundsliga, de blots een Door maakt hett (Door to dat 7:1 bi dat 8:1 von’n SV Werder gegen Kickers Offenbach an’n 26. November 1983 in sien 110. Bundsligaspeel).

Titels[ännern | Bornkood ännern]