Jon Andrew McBride

Jon Andrew McBride (* 14. August 1943 in Charleston, West Virginia; † 7. August 2024 in Merritt Island, Florida) weer en US-amerikaansch Astronaut.

Utbillen

McBride hett van 1960 bit 1964 an de West Virginia University studeert un kreeg 1971 en Bachelor in Luftfohrttechnik vun de Naval Postgraduate School.

1965 keem McBride to de United States Navy un wurr dor to’n Marinefleeger utbillt. Wiels den Vietnamkrieg hett he 64 Kampinsätze flagen. Up de Edwards Air Force Base hett he en Utbillen to’n Testpiloten maakt. He harr en Beropspilotenlizenz un hett ok as Pilotenutbiller arbeit.

Astronautentätigkeit

In‘n Januar 1978 wurr McBride vun de NASA as Astronautenanwärter utwählt (8. Utwahlgrupp). He weer Beobachtungspilot för de eerste Shuttle-Mission STS-1, he hett Software in dat Shuttle Avionics Integration Laboratory (SAIL) överprüft, weer Verbinnensspreker (CAPCOM) för de Missionen STS-5, STS-6 un STS-7 un hett ok as so nöömt Flight Data File (FDF) Manager arbeit.

In‘n Juli 1987 is McBride in dat NASA-Hööftquartier wesselt, um de Betrecken vun de NASA to’n Kongress vun de USA to koordineeren. 1988 wurr he as Kommandant för de Mission STS-35 upstellt, de in’n März 1990 stattfinnen sull; McBride is aber in’n Mai 1989 ut de NASA utscheeden.

STS-41-G

An‘n 5. Oktober 1984 is McBride as Pilot vun de Ruumfähre Challenger to sien Mission (STS-41-G) in’t All flagen. Kommandant weer Robert Laurel Crippen. Dorto keemen de Missionsspezialisten Kathryn Dwyer Sullivan, Sally Kristen Ride un David Cornell Leestma as ok de Bruuklastspezialisten Marc Garneau ut Kanada un Paul Desmond Scully-Power. Wiels de Mission wurr de Earth Radiation Budget Satellite to dat Utforschen vun geologisch Bewegen up de Böverflach vun de Eer utsett. Dorto keemen noch anner Experimente.

STS-61-E

Disse Mission mit de Ruumfähre Columbia harr an’n 6. März 1986 de ASTRO-1-Spacelab-Mission in’t All bringen sullt. Nah de Challenger-Katastrooph wurr de Floog afseggt. De Mannschap harr ut Jon McBride, Richard Richards, David Leestma, Jeffrey Hoffman, Robert Parker, Samuel Durrance un Ronald Parise bestahn sullt.

STS-71-A

Disse Mission mit de Ruumfähre Atlantis harr an’n 12. Januar 1987 de ASTRO-2-Spacelab-Mission in’t All bringen sullt. Aber ok disse Mission wurr nah de Challenger-Katastrooph afseggt. e wurde der Flug abgesagt. De Mannschap harr ut Jon McBride, Richard Richards, David Leestma, Jeffrey Hoffman, Robert Parker, Bruuklastspezialist Kenneth Nordsieck as ok een vun de beid wiederen Bruuklastspezialisten Samuel Durrance un Ronald Parise bestahn sullt.

Nah de NASA

In‘n Mai 1989 wurr McBride Präsident un CEO vun de Flying Eagle Corporation in Lewisburg. 1996 hett he sück um de Nomineeren vun de Republikaner för de Wahl to’n Gouverneur von West Virginia bewurben, verlor aber in de Primary vun sien Partei gegen Cecil Harland Underwood. In‘n September 1998 wessel he to de Image Development Group in sien Gebortsoort Charleston.

Privates

Big Jon McBride weer verheiraadt un harr veer Kinner, von dat een all storven weer.

Weblinks

Jon McBride. Mehr Biller, Videos oder Audiodateien to’t Thema gifft dat bi Wikimedia Commons.