John Michael O’Keefe

Vun Wikipedia
Wesseln na: Navigatschoon, Söök
John O'Keefe (2014)

John Michael O’Keefe (* 18. November 1939 in New York City) is en britisch-US-amerikaansch Neurowetenschapler un Nobelpriesdräger. He is för de grundleggen Bidräg to de Rull vun den Hippocampus in rüümlich Orrienteeren un Gedächtnis bekannt. O’Keefe is Perfesser an dat Institut för kognitive Neurowetenschap vun dat University College London.

Leven[ännern | Bornkood ännern]

O’Keefe wurr as Söhn vun irisch Inwannerer in New York boren un studeer an dat City College of New York (Bachelor-Afsluss). Dornah kreeg he sien Doktertitel in physiologischer Psychologie an de McGill University. Van 1967 af weer he weer an dat University College London un wurr dor 1987 Perfesser.

He befaat sück mit de neuronale Basis speziell rüümlich Orienteeren un vun dat rüümlich Gedächtnis un de Funktion, de de Hippocampus dorbi hett. He wies, wu Oortsinformatschonen in neuronalen Nettwarken vun den Hippocampus spiekert sünd un dat dat in den Hippocampus Neuronen gifft, de för en bestimmte Oortsinformatschoon tostännig sünd (Place Cells). He hett en theoretisch Modell vun de Gedächtnisfunktschoon vun den Hippocampus entwickelt, dat he experimentell an Gnaagdeerten un Minschen överprüft hett. 1978 keem dorto en inflootriek Book vun hüm un Lynn Nadel herut. He hett sück ok mit de bi de Alzheimer-Krankheit typisch Defiziten in den Hippocampus befaat.

Ehrungen[ännern | Bornkood ännern]

2008 kreeg he den Gruber-Pries för Neurowetenschapen un den European Neuroscience Journal Award, 2007 den British Neuroscience Association Award, 2001 den Feldberg-Pries un 2006 den Grawemeyer-Pries in Psychologie mit Lynn Nadel. 2013 wurr he mit den Louisa-Gross-Horwitz-Pries uttekent. He is Fellow vun de Royal Society un de Academy of Medical Sciences. 2014 wurr he in de EMBO gewählt.[1] Ebenfalls 2014 wurr he mit den Kavli-Pries in Neurowetenschapen uttekent. In dat sülvig Johr wurr hüm tosommen mit May-Britt Moser un Edvard Moser de Nobelpries för Physiologie oder Medizin tospraken.

He is sowohl britisch as ok US-amerikaansch Staatsbörger. He is mit Eileen O’Keefe verheiraadt (Perfessersche för Public Health) un hett mit hör twee Söhns.

Schriften[ännern | Bornkood ännern]

  • Herutgever mit N. Burgess, K. J. Jeffery The hippocampal and parietal foundations of spatial cognition, Oxford University Press 1998
  • Herausgeber mit P. Andersen, R. Morris, D. Amaral, T. Bliss The Hippocampus Book, Oxford University Press 2007
  • mit Lynn Nadel: The Hippocampus as a cognitive map, Oxford University Press 1978 Websteed dorto mit Online-Kopie

Weblenken[ännern | Bornkood ännern]

Enkeld Nahwiesen[ännern | Bornkood ännern]

  1. EMBO enlarges its membership for 50th anniversary. Pressemitdeelen van' 8. Mai 2014 bi den Informationsdienst Wissenschaft (idw-online.de)