John Joseph Hopfield
John Joseph Hopfield (* 15. Juli 1933 in Chicago) is en US-amerikaansch Physiker, Molekularbioloog un Neurowetenschapler. He is vör allen dör sien Utfinnen vun en Assoziativ Neuronal Nett (Hopfield-Nett) 1982 bekannt. Hüm wurr 2024 de Nobelpries för Physik tospraaken.
Leven
[ännern | Bornkood ännern]Hopfield is de Söhn vun en Physikerehepaar. Sien Vader weer de poolsch-amerikaansch Spektroskopiker John Hopfield (1891–1953).
He hett an dat Swarthmore College studeert (Bachelor-Afsluss 1954) un wurr 1958 an de Cornell University bi Albert Warner Overhauser mit de Arbeit A Quantum-Mechanical Theory of the Contribution of Excitons to the Complex Dielectric Constant of Crystals[1] promoveert. Dornah weer he bit 1960 an den Bell Laboratories, 1960/1 Forscher an de École normale supérieure, af 1961 Assistant Professor an de University of California, Berkeley un af 1964 Professor för Physik an de Princeton University.