Johann Wartner

Johann Wartner (schätzungswies 1938)

Johann Baptist Wartner (* 17. Juni 1883 in Scheibelsgrub; † 13. Januar 1963 ok dor) weer en düütsch Politiker van den Bayerischen Buernbund un de Bayernpartei.

Wartner hett van 1889 bit 1896 de Volksschool besöcht. 1908 hett he dat lütt landwertschaplich Anwesen in Scheibelsgrub bi Mitterfels dicht bi Straubing övernommen. 1919 wurr he Vörsitter van den Bezirkstages Bogen. Todem weer he Liddmaat van den nedderbayerischen Kreisdag un den Bezirksutschuss Bogen. 1925 wurr he Börgermeester van de Gemeend Mitterfels.

Van 1920 bit to’n 9. Januar 1933 hörr Wartner för den Bayerischen Buernbund den Bayerischen Landdag an. In‘n März 1933 is he to de NSDAP-Landdagsfraktschoon övertreeden.

Nah den Krieg hett he sück de Bayernpartei anslooten, de he in den Düütschen Bundsdag in de eerst Legislaturperiood (1949–1953) vertreeden hett. He weer in den Wahlkreis Straubing direkt wählt wurrn Van 1949 bit to’n 17. Januar 1951 weer he stellvertreedend Vörsitter van den Bundsdagsutschuss för Lastenutgliek.

Kört vör sien Dood hett Wartner seggt, dat he 1949 bi de Wahl van Konrad Adenauer to’n eersten Bundskanzler van de Bundsrepubliek Düütschland entgegen en Besluss van sien Fraktschoon as woll eenzigst Oppositschoonspolitiker ok för Adenauer stimmt hett un hüm dordör to de notwennig Mehrheit van 202 Stimmen van de 402 stimmberechtigten Liddmaaten van dat Huus verhulpen hett: „I hab für'n Adenauer g'stimmt, weil i dös net hätt verantworten können, daß i in dem Fall mit Nein stimm. Dös ist die ganze G'schicht!“

Literatur

• Rudolf Vierhaus, Ludolf Herbst (Hrsg.), Bruno Jahn (Mitarb.): Biographisches Handbuch der Mitglieder des Deutschen Bundestages. 1949–2002. Bd. 2: N–Z. Anhang. K. G. Saur, München 2002, ISBN 3-598-23782-0, S. 923.

Weblinks

Johann Wartner. Mehr Biller, Videos oder Audiodateien to’t Thema gifft dat bi Wikimedia Commons.

• Johann Wartner in de Parlamentsdatenbank bi dat Huus van de Bayerische Geschichte
• [https://web.archive.org/web/20130410043053/http://www.br.de/fernsehen/bayerisches-fernsehen/sendungen/kontrovers/130116-kontrovers-adenauer102.html