Johann Saathoff
Johann Saathoff (* 9. Dezember 1967 in Emden) is en düütsch Politiker (SPD) un wurr bi de Bundsdagswahl an' 22. September 2013 as Direktkandidat in' Bundsdagswahlkreis Auerk – Emden in Oostfreesland wählt. He is siet den 8. Dezember 2021 Parlamentarischer Staatssekretär bi de Bundesministerin för’t Binnere un för Heimat.
Familie un Utbillen
[ännern | Bornkood ännern]Saathoff wurr an' 9. Dezember 1967 as Kind vun en Habenarbeiter un en Nettstrickerin in Emden boren.[1][2] Nah dat Abitur an dat Johannes-Althusius-Gymnasium in sien Heimatstadt fung he en Verwaltensloopbahn bi de Bezirksregeeren Lüümborg an, de he 1990 as Diplom-Verwaltungswirt afslooten hett. Saathoff weer in' Ansluss dree Johr lang bi de Butenstäe Auerk vun de Bezirksregeeren Werser-Eems tätig un dornah teihn Johr (bit 2003) in de Verwalten vun de Hoochschool Emden/Leer. Johann Saathoff is mit de Familientherapeutin Sonja Saathoff verheiraadt un hett fiev Kinner. De Familie wahnt in Peesm.[3]
Politisch Loopbahn
[ännern | Bornkood ännern]Saathoff wurr in' Februar 2003 to'n eersten hööftamtlichenBörgermeester vun de Gemeend Krummhörn wählt un in de Wahl in' September 2011 in sien Amt bestätigt. In' August 2013 is he todem as Vörsitter vun den SPD-Ünnerbezirk Auerk (umfaat den Landkreis Auerk) as Nahfolger der Krummhörnerin Hilda Christians wählt wurrn.[4] Vun de 128 Delegeerten keem en Gegenstimm.
Wiel de Sozialdemokrat Garrelt Duin, de in den Bundsdagswahlen 2005 un 2009 as direkt wählt Afordneter nah Berlin gung, an' 21. Juni 2012 sien Bundsdagsmandat daalleggen dee, um Wertschapsminister vun dat Land Noordrhien-Westfalen to wurrn, wurr en nee SPD-Kandidat för de Bundsdagswahl 2013 söcht. Duin sien Mandat harr Gabriele Groneberg ut Cloppenburg övernommen,[5] de Wahlkreis weer also in de Tüschentiet nich dör en direkt wählten Afordneten vertreden. Saathoff gull all to en fröhen Tiet as mögelk Nahfolger vun Duin.[6]
Saathoff wurr an' 22. September 2013 mit 50,3 Perzent vun de Eerststimmen (Tweetstimmenergevnis vun de SPD in' Wahlkreis: 43,8 Prozent) as direkt wählt Afordneter vun den Wahlkreis Auerk – Emden in den Bundsdag wählt. Up de Landesliste vun de SPD stunn he up Platz 23 un weer dormit nich „afsekert“.[7]
Saathoff is nah Georg Peters, Carl Ewen, Jann-Peter Janssen un Garrelt Duin (all SPD) de fievte Bundsdagsafordnete vun den Wahlkreis siet 1949.
Saathoff wurr bi de Bundsdagswahl an'n 26. September 2021 mit 52,8 % weer wählt. He kreeg dormit bundswiet dat beste Eerststimmenergevnis. Siet den 8. Dezember 2021 is he de Parlamentarische Staatssekretär bi de Bundsministerin vun dat Binnere un för Heimat, Nancy Faeser.
2022 wurr he mit den Keerlke-Pries uttekent [8].
Weblenken
[ännern | Bornkood ännern]- Websteed vun Johann Saathoff
- [Biographie bi den Düütschen Bundsdag]
- Websteed vun den SPD-Ünnerbezirk Auerk
Enkeld Nahwiesen
[ännern | Bornkood ännern]- ↑ www.johann-saathoff.de: Lebenslauf. Afropen an' 19. September 2013.
- ↑ Oliver Das Gupta: So rot, so schwarz. In: Süddeutsche Zeitung, 23. August 2013, afropen an' 19. September 2013.
- ↑ www.johann-saathoff.de: Lebenslauf. Afropen an' 19. September 2013.
- ↑ www.johann-saathoff.de: Johann Saathoff zum Vorsitzenden der SPD im Unterbezirk Aurich gewählt. Afropen an' 19. September 2013.
- ↑ bundestag.de: Ausgeschiedene Abgeordnete und deren Nachfolger. Afropen an 19. September 2013.
- ↑ Fritz Harders: SPD-Spitzen für Johann Saathoff. In: Ostfriesen-Zeitung, 29. August 2012, afropen an' 19. September 2013.
- ↑ Marco Hadem: Gabriel führt Landes-SPD in Wahlkampf. In: Nordwest-Zeitung, 17. Juni 2013, afropen an' 19. September 2013.
- ↑ https://www.ndr.de/nachrichten/niedersachsen/oldenburg_ostfriesland/Ostfriesen-Oscar-Johann-Saathoff-erhaelt-Keerlke-Preis-2022,saathoff112.html