Jann-Peter Janssen

Vun Wikipedia

Jann-Peter Janssen (* 12. Februar 1945 in Nörden; † 7. Dezember 2022 in Siemswold)[1]) weer en düütsch Politiker (SPD). He weer van 1998 bit 2005 stellvertredend Vörsitter vun den Utschuss för Tourismus vun den Düütschen Bundsdag.

Leven un Beroop[ännern | Bornkood ännern]

Nah den Besöök vun de Volksschool hett Janssen en Lehre to’n Schippbauer maakt un dornah sien Wehrdeenst afleist. Ansluutend wurr he as Bandarbeiter bi de Volkswagen AG anstellt, wo he sluutend van 1982 bit 1996 Vörsitter vun den Bedrievsraat in dat Wark Emden weer.

Nah den Dood vun sien eerst Ehefru is Jann-Peter Janssen siet 2006 in tweet Ehe verheiraadt un hett twee Kinner ut de eerst Ehe. He leevt hüüd in de Gemeend Ihl.

Partei[ännern | Bornkood ännern]

Janssen is 1969 in de SPD intreeden un weer dorbi besünners bi de Jusos aktiv; toletzt weer he 2. Vörsitter vun den SPD-Ortsvereen Nörden.

Afordneter[ännern | Bornkood ännern]

Janssen hörr van 1972 bit 1986 un nochmals van 2001 bit 2005 den Raat vun de Stadt Nörden an.

Van 1994 bit to dat Daalleggen vun sien Mandat an‘n 24. Januar 2005 weer he Liddmaat vun den Düütschen Bundsdag un dor van 1998 bit 2005 stellvertredend Vörsitter vun den Utschuss för Tourismus.

Enn’n 2004 wurr bekannt, dat Janssen entgegen sien oorsprünglich Angaven ok över dat Johr 1994 herut noch en Gehalt vun de Volkswagen AG betrucken harr. He hett doruphen an’n 14. Januar 2005 verklort, up sien Bundsdagsmandat verzichten to wullen un hett dat Mandat daalleggt. För Janssen is denn Lars Klingbeil över de Landeslist nahrückt.[2]

Jann-Peter Janssen is immer as direkt wählt Afordneter vun den Wahlkreis Auerk-Emden in den Bundsdag intrucken.

Weblinks[ännern | Bornkood ännern]

Enkeld Nahwiesen[ännern | Bornkood ännern]

  1. Wir trauern um Jann-Peter Janssen. Engelke Naumann Bestattungen, afropen an’n 9. Dezember 2022.
  2. Vörlaag:Der Spiegel