Johann Peter Klassen

Johann Peter Klassen (* 27. Mai 1868 in Neu-Schönwiese; † 25. Mai 1947 in Vancouver) weer en plautdietschen Schriever un Prediger.

Klassen is 1868 in Neu-Schönwiese in de Mennoniten-Kolonie Chortitza in Russland as dat drüdde vun veer Kinner vun Peter Abram un Aganetha Klassen (borene Schultz) boren. Den 27. September 1891 hett he in Franzfeld Katharina Wieler heiraadt, mit de he acht Kinner harr. 1909 is Katharina doodbleven un Klassen hett an’n 8. Mai 1911 in Chortitza noch wedder heiraadt, Katharina Dyck. Mit ehr harr he twee Söhn.

Klassen weer op de Zentralschool Chortitza un weer denn för fief Johr Schoolmeester op’t Dörp. Vun 1904 af an weer he Prediger in de Gemeen Kronsweide un vun 1907 af an Karkenöllster. 1923 güng he na Kanada un hett dor 1928 de Kark Schönwiese in Winnipeg grünnt, de he bet 1939 leiden dee. Klassen is 1947 in Vancouver doodbleven un is in Winnipeg begraven. Op Plautdietsch hett he blot een Book rutgeven, de Rest vun sien Wark weer Hoochdüütsch.

Warken

Plautdietsch

• Nohoaksel. Sülvstverlag, Yarrow 1946

Hoochdüütsch

• Wegeblumen. (c.1924).
• Kruemlein. (1924).
• Dunkle Tage. (1924).
• Brocken. (1932).
• Aehrenlese. (1944)
• Der Zwillingsbruder von „Meine Garbe“. (1946).
• Roggenbrot. (1946)

Weblenken

• Johann Peter Klassen in de PBuB (hoochdüütsch)