Johann Hartmann Misler
Johann Hartmann Misler (* 12. Juli 1642 in Marburg; † 22. März 1698 in Veern) weer en düütschen lutherschen Theoloog, Pädagoog un Dichter (1676 poeta laureatus)[1].
Misler is 1642 in Marburg as Söhn von Catharina, borene Reinigk (1. August 1618–18.März 1664), un den Theoloog Johann Nikolaus Misler (1614–20. Februar 1683), Perfesser an de Universität Marburg, boren..[2]
He hett Theologie an de Universitäten Gießen un Wittenbarg studeert un in Gießen an’n 9. November 1665 sien Magister maakt.[1] Na Dat Studium is Misler 1665 Rekter in Worms worrn. 1684 güng he as Rekter an dat Athenaeum in Stood un is dor 1685 tosätzlich ok Pastoor an de Pankratius-Kark worrn. 1691 is he as Supperndent von dat Hartogdom Veern beropen worrn, wat he bet to sien Dood 1698 bleven is.[1]
Misler hett en Reeg latiensche Gelegenheitsgedichten dicht un later vör allen düütsche Karkenleder, von de welk in Sangböker ut de Tied opnahmen worrn sünd. Philipp von Zesen hett em 1671 in de Deutschgesinnte Genossenschaft opnahmen (Nr. 103: Der Deutschgesinnete).
Misler hett an’n 12. Dezember 1666 in Worms Anna Katharina Rühle (1646–1699; Dochter von’n Wormser Börgermeester Johannes Rühle) freet.[2] De beiden harrn de Kinner Helene Catharina (1672–1741), Anna Maria (1676–1727).[2] un Johann Gottfried (1679–1748), de ok Theoloog weer.
Footnoten
[ännern | Bornkood ännern]- ↑ a b c Misler, Johann Hartmann in de Allgemene Düütsche Biografie
- ↑ a b c Indrg to Misler] in de Hessische Biografie