Johann Dietrich Andreas Augspurg

Johann Dietrich Andreas Augspurg (* 27. Juli 1750 in Hannover; † 18. Februar 1821 in Harsfeld) weer en düütschen Verwaltungsbeamten.

Augspurg is 1750 as een von teihn Kinner von Anna Dorothea, borene Heumann (12. August 1728-16. Februar 1791), un Johann Christoph Augspurg (14. Juni 1712-22. September 1771) in Hannover boren. He hett sik in’n Oktober 1768 an de Universität Göttingen inschreven un Juristeree studeert. He is 1777 Amtsschriever bi dat Amt Otterbarg worrn un is dor bet 1794 bleven.

Toletzt weer he Titulär-Amtmann.^[1] Augspurg weer von 1794 bet to sien Dood 1821 Amtmann in dat Amt Harsfeld. In de Franzosentied weer he 1810 Kantonsmaire von’n Kanton Harsfeld binnen dat Königriek Westfalen.

1777 hett he Wilhelmine Isenbart (1760-7. Februar 1793) freet. De beiden harrn de Söhns Wilhelm (* 1782) un Georg Ernst Eduard Augspurg (* 1783).

Footnoten

↑ Annalen der Braunschweig-Lüneburgischen Churlande. Band 8, Pockwitz, Hannover 1794, Sied 680

De Artikel „Johann Dietrich Andreas Augspurg“ is een exklusiven Artikel up de Plattdüütsche Wikiepdia. In anner Spraakuutgaven is de nich to finnen.

[1] Annalen der Braunschweig-Lüneburgischen Churlande. Band 8, Pockwitz, Hannover 1794, Sied 680

[1]