Johann Christian Evers

Vun Wikipedia

Johann Christian Evers (* 2. Mai 1898 in Hu’e; † 4. Mai 1964 ok dor) weer en düütschen Politiker von de DP.

Evers is 1898 in Hu’e boren un weer dor ok op Volksschool. Na Real- un Oberrealschool güng he in Bremen. Afslaten hett he de School mit dat Reifetüügnis för de Prima. In’n Eersten Weltkrieg weer he von November 1916 bet Januar 1919 Soldaat. In’n Juni 1919 is he Hoffbesitter in Hu’e worrn. Von Oktober 1919 bet an’t Enn von’n Tweten Weltkrieg in’n Mai 1945 weer he Gemeenvörsteher un later Börgermeester in Hu’e.

Evers weer al vör 1933 Maat von’n Kreisdag in’n Landkreis Oosterholt un weer dat na’n Krieg von November 1948 af an wedder. In’n Dezember 1948 is he Landraad von’n Landkreis Oosterholt worrn un dat bet to sien Dood bleven. Evers weer von’n 6. Mai 1951 bet 5. Mai 1959 (2. un 3. Wahlperiood) as direkt wählten Kannedaat för den Wahlkreis Oosterholt-Scharmbeek Maat von’n Landdag von Neddersassen un hett dor to de gemeensame Frakschoon von DP un CDU höört.

In Holste is de Landraad-Christian-Evers-Straat na em nöömt.