Jobst Fiedler

Vun Wikipedia
Zur Navigation springen Zur Suche springen

Jobst Fiedler (* 7. Februar 1944 in Deppelt) is en düütschen Verwaltungsfachmann. Fiedler lehrt Public Management an de Hertie School of Governance.

Leven[ännern | Bornkood ännern]

Fiedler is 1944 in Deppelt boren un in Hannover opwussen. Later weer sien Vader Chirurg an dat Krankenhuus Zeven. Fiedler hett dorüm sien Abitur an dat St.-Viti-Gymnasium Zeven maakt. 1957 hett he en Lehr as Chemielaborant anfungen. Later hett he an de Universitäten Berlin, London, Göttingen, Genf un Berkeley Juristeree, Politik- un Weertschopswetenschoppen studeert. Na dat Studium hett he sien Referendariat in Hamborg maakt un weer en Tied bi dat Wetenschopszentrum Berlin för Sozialforschung. Von 1980 af an weer he bi de Stadt Hamborg un weer dor ünner annern von 1984 bet 1990 Baas von dat Bezirksamt von’n Bezirk Horborg. He weer ok Maat von’n Beraderstaff von de OECD un de EU. Von 1990 bet 1996 weer Fiedler Böverstadtdirekter von Hannover. He hett an de Universität Hannover promoveert.

Von 1996 af an weer he as strategischen Berader bi de Ünnernehmensberadung Roland Berger Strategy Consultants anstellt un hett 2002 as Maat von de Hartz-Kummission dat Hartz-Kunzept mit utwickelt. Twüschen 2003 un 2004 hett he ünner annern Ünnerricht geven an de Universität Potsdam un de Weertschopsuniversität Luigi Bocconi in Mailand. Von Januar 2005 bet 2013 weer Fiedler Associate Dean an de Hertie School of Governance. Nadem he 2013 emeriteert worrn is, is he sietdem Resident Senior Fellow von de Hertie School of Governance. In siene Tied bi de Hertie School weer he ok as Gastperfesser an de Columbia University in New York un an de Escola de Administração de Empresas in São Paulo.

Fiedler is Maat von de SPD.

Warken[ännern | Bornkood ännern]

  • Jobst Fiedler: Das Management von politisch-administrativen Reformen. Hannover, Univ., Diss., 1998 (kumulative Diss.)
  • Jobst Fiedler: Zur Konzeption einer Weltausstellung neuen Typs. In: Hans May und Henning Schierholz (Rutgevers): Eine Weltausstellung neuen Typs? Hannovers EXPO 2000: Planungshorizonte und Bürger/innen-Beteiligung. Loccumer Protokolle 66/90, S. 68–84
  • Jobst Fiedler: Zur Praxisumsetzung umfassender Verwaltungsreformen in Großstädten: Die Hauptaufgaben liegt noch vor uns. In: Eckhard Schröter (Hrsg.): Empirische Policy- und Verwaltungsforschung - lokale, nationale und internationale Perspektive (=Festschrift für Hellmut Wollmann), Opladen 2001, S. 305–320