Joan Harrison (Schrieversche)

Vun Wikipedia

Joan Harrison (* 26. Juni 1907 in Guildford, Surrey; † 14. August 1994 in London) weer en britische Dreihbookschrieversche un Feernseh- un Filmproduzentin.

Leven un Wark[ännern | Bornkood ännern]

Harrison hett in Oxford un an de Sorbonne in Paris studeert. Mit 28 Johren is se in’t Johr 1935 Alfred Hitchcock sien persönliche Sekretärsche un een vun sien neegsten MItarbeitersches worrn. Vun 1939 bit 1942 hett se an fief vun Hitchcock sien Dreihböker mitschreven. Vun 1944 an arbeit se denn an Dreihböker för annere Speelbasen un weer bito as Filmproduzentsche bi Universal Pictures un bi RKO Pictures aktiv.

1955 hett Hitchcock ehr torüchhaalt, dat se sik as Produzentsche üm sien Feernsehregen Alfred Hitchcock Presents un The Alfred Hitchcock Hour sorgen schüll. Joan Harrison hett 1963 den Schriever un Dreihbookschriever Eric Ambler heiraat. In latere Johren weer se Produzentsche bi de Feernsehregen Journey to the Unknown un The Most Deadly Game.

Filmografie (Utwahl)[ännern | Bornkood ännern]

Johr Titel Funkschoon
1939 Jamaica Inn
dt.: Riff-Piraten
Dreihbook
1940 Rebecca Dreihbook
1940 Foreign Correspondent
dt.: Der Auslandskorrespondent
Dreihbook
1941 Suspicion
dt.: Verdacht
Dreihbook
1942 Saboteur
dt.: Saboteure
Dreihbook
1944 Dark Waters Dreihbook
1945 The Strange Affair of Uncle Harry Produkschoon
1946 Nocturne Produkschoon
1947 They Won’t Believe Me Produkschoon
1947 Ride the Pink Horse Produkschoon
1950 Your Witness
dt.: Die unbekannte Zeugin
Dreihbook
Produkschoon
1951 Circle of Danger
dt.: Der dreizehnte Gast
Produkschoon
1954-55 Janet Dean, Registered Nurse, Feernsehreeg Produkschoon
1957-58 Suspicion, Feernsehreeg Produkschoon
1955-62 Alfred Hitchcock Presents, Feernsehreeg
dt.: Alfred Hitchcock präsentiert
Produkschoon
1962-65 The Alfred Hitchcock Hour, Feernsehreeg
dt.: Alfred Hitchcock zeigt
Produkschoon
1968-69 Journey to the Unknown, Feernsehreeg Produkschoon
1970-71 The Most Deadly Game, Feernsehreeg Produkschoon
1971 Love Hate Love, Feernsehn Produkschoon

Utteken[ännern | Bornkood ännern]

Harrison hett keen Filmpriesen wunnen, man se weer in’t Johr 1941 mit twee vun ehr Dreihböker för den Oscar nomineert. Mit Rebecca weer se in de Kategorie Best Dreihbook na Vörlaag vörslahn, wiel se mit Foreign Correspondent in de Kategorie Best Originaldreihbook nomineert weer.

Weblenken[ännern | Bornkood ännern]