Jiřina Pelcová

Vun Wikipedia
Zur Navigation springen Zur Suche springen

Jiřina Pelcová, borene Adamičková (* 22. November 1969 in Jablonec nad Nisou, Tschechoslowakei) is en ehmalge tschechische Biathletin.

Nah de groot Dominanz vun de norweegsch Biathletinnen in' Weltcup as ok de sowjeetschen Biathletinnen bi Weltmeesterschapen in de 1980er-Johren wunn Adamičková in de Saison 1989/90[1] för de Tschechoslowakei unverwacht den Gesamtweltcup vör de Norwegerin Anne Elvebakk un de Russin Jelena Golowina. Bit hüüd is dat de eenzig Platzeeren vun en Tschechin ünner de best dree Athleten vun de Gesamtwertung. De eerste Spood vun hör Karriere gelung Adamičková all een Saison vörher, as se mit de tschechoslowaaksch Staffel bi de Weltmeesterschapen 1989 de Bronzemedaille wunn.

Bi de Olympisch Winterspelen 1992 in Albertville reck Adamičková mit den fievten Platz in dat Sprintrennen hör best Eenzelergevnis bi en Grootveranstalten. Bi de as Weltmeesterschap utdragen nichtolympisch Mannschapsrennen hett se 1992 hör tweet Bronzemedaille nah 1989 haalt. Gemeensam mit Jana Kulhavá, Iveta Knížková un Eva Háková wunn Adamičková bi de Weltmeesterschapen 1993 de Goldmedaille in dat Staffelrennen. Dat weer dat eerste Mal, dat de Goldmedaille in't Staffelrennen nich an de Sowjetunion gung, de nah den politischen Zerfall nich mehr an' Start weer un deren Nahfolgeteam Russland de Bronzemedaille wunn. De Sieg in dat Staffelrennen weer de eerste Goldmedaille för Tschechien överhoopt un bit to'n Sieg in' Eenzel dör Kateřina Holubcová in dat Johr 2003 ok de eenzige Goldmedaille.

Nahdem se de Erfolge vun de fröh 1990er-Johren nich mehr recken kunn, hett Jiřina Pelcová, as se siet hör Hoochtiet heet, to'n Enn vun de Saison 1997/98 hör Loopbahn afslooten.

Weblenken[ännern | Bornkood ännern]

Enkeld Nahwiesen[ännern | Bornkood ännern]

  1. http://sport.pravda.sk/neunerova-prepisala-biatlonovu-historiu-f1w-/sk_szsporty.asp?c=A080316_150648_sk_szsporty_p28, Neunerová prepísala biatlonovú históriu|hrsg = Pravda.sk, tschechisch, van' 16. März 2008, afropen an' 14. Februar 2011