Jewgeni Wiktorowitsch Pljuschtschenko
Jewgeni Wiktorowitsch Pljuschtschenko (russisch: Евгений Викторович Плющенко; * 3. November 1982 in Dschamku, Rajon Solnetschny, Region Chabarowsk, Russische SFSR, Sowjetunion) is en ehmalger russisch Ieskunstlöper. He hett veer Mal an Olympisch Winterspelen deelnommen un weer dorbi 2006 ok Goldmedaillenwinner in’t Eenzel (vör Stéphane Lambiel un Jeffrey Buttle). Bi Weltmeesterschapen stunn he dree Mal ganz baben up dat Podest un sogor 7 Mal weer he Europameester.
Siet 2017 is Pljuschtschenko as Trainer tätig. Pljuschtschenko weer de eerste un is een van de wenig männlichen Ieskunstlöper, de de Biellmann-Pirouette up dat Ies bringen kunn. Dorto weer he düchtig sprunggewaltig. He sprung bi de NHK Trophy 1999 as eerst Ieskunstlöper in en Wettbewarf de Kombinatschoon Veerfack-Toeloop-Dreefack-Toeloop-Düppel-Rittberger (4-3-2). Dornah hett he disse Kombinatschoon 26 Mal schafft. He is ok de eerste Ieskunstlöper, de en Veerfack-Toeloop-Dreefack-Toeloop-Dreefack-Rittberger-Kombinatschoon (4-3-3) in en Wettbewarf wiesen dee, wat hüm insgesamt veer Mal gelungen is.
Jewgeni Pljuschtschenko is neben Gillis Grafström de eenzige Ieskunstlöper, de mindestens dree Medaillen in de Konkurrenz van de Mannlüüd bi Olympisch Spelen winnen kunn. Grafström harr van van 1920 bit 1932 sogor veer Medaillen schafft.
Privatleven
[ännern | Bornkood ännern]Pljuschtschenko hett een Kind ut sien eerst Ehe mit Marija Jermak, mit de he van 2005 bit 2008 verheiraadt weer. Ut sien tweet Ehe mit Jana Rudkowskaja (* 1975) hett he ok en Söhn.