Jernej Zaplotnik

Vun Wikipedia
Zur Navigation springen Zur Suche springen

Jernej „Nejc“ Zaplotnik (* 16. April 1952 in Kranj; † 24. April 1983 an' Manaslu) weer en sloweensch Bargstieger.

Zaplotnik schreev Bargstiegerhistorie, as he tosommen mit Andrej Štremfelj to'n eersten un bitlang eenzig Mal den kumpletten Westgrat vun den Mount Everest dwung. An' 13. Mai 1979 hemm beid den Tipp reckt un sünd ansluutend över dat Hornbein-Couloir afsteegen. Zaplotnik hett etwa 350 Tippen besteegen, dorünner mit den Makalu (1975) un den Gasherbrum II (1977) twee wiedere Achtduusender. Zaplotnik is mit 31 Johren dör en Lawine up etwa 4500m Hööcht an' Manaslu to Dood kommen.