Jean-Louis Pons

Vun Wikipedia

Jean-Louis Pons (* 24. Dezember 1761 in Peyre, Hautes-Alpes; † 14. Oktober 1831 in Florenz) weer en franzöösch Astronom.

Tüschen 1801 un 1827 hett he 37 Kometen (nah anner Quellen: 27 Kometen) opdeckt.

Pons astronomsche Loopbahn fung eerst 1789 an, as he in dat Öller vun 27 Johr de Posten as Huusmeester an dat Observatorium vun Marseille atreden hett. Sien Direktor hett hümm in Astronomie ünnericht. Sien eerst Komeet hett Pons denn in Juli 1801 opdeckt. So as sien Landslüüd Charles Messier un Pierre Méchain hett he sück denn op de Söök vun Kometen spezialiseert un hett ok bit to teihn in een Johr funnen (August 1826 bit August 1827).

Pons hett sülvst baut Teleskope bruukt, över de man aber nich allto völ weet. In sien Upteknungen find sück Henwies, dat sien „Großer Sucher“ en Gesichtsfeld vun 3° upwiesen de. Dat weer denn wohrschienlich en Gerät mit een groote Öpnung, un temelk lütten Brennwiet un lüüt Vergröterung, wat man ok as Kometensöker beteken deiht.

Pons hett zwar völ Kometen funnen, oder nicht völ dorvan noteert un de Umloopbahnen hebbt hüm ok nich besünners interesseert.

1813 is he denn Assistent in dat Marseiller Observatorium wurrn. 1819 hett hümm Maria Isabel vun Spanien to'n Direkter vun dat nee erricht Observatorium vun Marlia bi Lucca in de Toskana nömmt. Dat leep dor aber nicht so, as se docht harrn un nah veer Johr wurr dat Observatorium weer dicht makt. 1825 is he denn Direktor vun dat Observatorium in Florenz wurrn, wat he denn ok bit to sien Dood bleev.

Ok wenn he so völ Kometen funnen hett, sünd hüdtodag blots noch twee nah hümm nömmt, nämlich de Kometen, 12 P/Pons-Brooks un 7P/Pons-Winneke. Ok de Komeet Encke hett he 1818 opdeckt, de hett denn aber nich sien Naam kregen. De ehmals as "Pons-Coggia-Winnecke-Forbes" bekannt Komeet heet hüdtodag 27P/Crommelin, nah Andrew Crommelin, de de Bahn utrekend hett.


Weblenken[ännern | Bornkood ännern]