De Japaansche Spinnenkrabb (Macrocheira kaempferi) is en Oort vun Dreeeckskrabben un de gröttste Oort vun Kreeften, de hüüt op de Eer leevt. Mit ehr Been hett se en Dörmeter vun üm un bi dree un bet to veer Meter. Ehr Lief ahn Been hett dorbi en Grött vun so wat 40 Zentimeter. Se bringt in disse Grött bet to 20 Kilogramm op de Waag. Ehr Levensruum is de Pazifik an de Küsten vun Japan. In’n Sommer leevt se in depere Regionen üm 300 m, in’n Winter treckt se in siedere Zonen üm 50 m Deep. Freten deit se Schalendeerter, Aas un annern Kraam, se is so’n Allensfreter.
Japaansche Spinnenkrabb (Macrocheira kaempferi). Mehr Biller, Videos oder Audiodateien to’t Thema gifft dat bi Wikimedia Commons.