Jan Ziemianin

Vun Wikipedia

Jan Ziemianin (* 19. Mai 1962 in Mszana Dolna) is en ehmalger poolsch Biathlet. He hett an völ Biathlon-Weltmeesterschapen un dree Olympisch Winterspelen deelnommen.

Jan Ziemianin weer Sportsuldat un leevt Koscielijko. De Vader vun dree Kinner, de för W.K.S. Zakopane antreeden is, bedreev den Biathlonsport van 1979 bit 1999. Sien eerste Biathlon-Weltcup-Rennen hett he 1987 in Borowez bestreeden un wurr in sien eerst Eenzel-Rennen 29. Sien eerste Weltmeesterschapen leep Ziemianin 1988 in Feistritz un wurr dor 42. in' Eenzel un 26. in' Sprint. In Albertville hett he sien eerst Olympisch Winterspelen bestreeden. In' Eenzel reck he dorbi Platz 32, in' Sprint Platz 29 un mit de Staffel (mit Dariusz Kozłowski, Jan Wojtas un Krzysztof Sosna) keem he up Rang 9. In dat Johr 1993 reck he up de latere Olympiastreck as Elft in en Eenzel sien best Weltcupplatzeeren. De immer düchtig ünnerscheedlich Leistungen vun Ziemianin wiesen sück exemplarisch, as he bi den folgen Sprint an sülvig Stäe blots up Platz 110 keem.

Bi sien tweet Olympisch Winterspelen, 1994 in Lillehammer reck he in' Eenzel Platz 39, in' Sprint Rang 27. Mit de Staffel an de Siet vun (Tomasz Sikora, Wiesław Ziemianin un Jan Wojtas keem he up Platz 8. Besünners spoodriek verleepen vör Ziemianin de Biathlon-Weltmeesterschapen 1997 in Osrblie. Wurr he in' Eenzel blots 46. un in' Sprint 55., keem he mit de Staffel up den sössten Platz un wunn in' Mannschapswettbewarf gemeensam mit Wiesław Ziemianin, Tomasz Sikora un Wojciech Kozub achter de Teams ut Wittrussland un Düütschland de Bronzemedaille.

En letzt Hööchtpunkt wurrn de Olympisch Spelen 1998 vun Nagano, wo Ziemianin nu 36 Johr old, blots noch in de Staffel insett wurr un nochmal en bannig gooden 5. Platz recken dee. Nah de Saison 1998/99 hett he sien Loopbahn afslooten.

Hüüd arbeit Ziemianin as Biathlontrainer in Polen.

Weblenken[ännern | Bornkood ännern]