Jan Arnošt Smoler

Vun Wikipedia
Zur Navigation springen Zur Suche springen
Jan Arnost Smoler

Jan Arnošt Smoler (hoochdüütsch Naam Johann Ernst Schmaler; * 3. März 1816 in Merzdorf; † 13. Juni 1884 in Bautzen) weer en sorbschen Philoloog un Schriever.

Smoler sien Vadder weer en evangeelschen Kanter. 1823 hett he en Stell in Lohsa annahmen un dor güng Jan Arnost Smoler denn ok op Volksschool. 1827 is he denn op dat Gymnasium in Bautzen kamen. 1836 keem he an de Universität Breslau un hett op Theologie studeert. 1839 hett he sien Afsluss maakt un keem na siene Heimat trüch, woneem he anfüng de sorbschen Leder optoschrieven un in de Sammlung Die Volkslieder der Wenden in der Ober- und Nieder-Lausitz ruttogeven. 1847 hett he den Sorbschen Vereen, de Maćica Serbska, mit grünnt. He hett sik in disse Tiet vun de 1848er Revolutschoon ok för de kulturellen Rechten vun de Sorben insett. So geev dat vun 1850 af an ok Schoolünnerricht op Sorbsch. Smoler sülms is ok Schoolmeester för Sorbsch an dat Gymnasium in Bautzen worrn. 1851 hett he de Smolersche Verlagsbookhandlung grünnt un in de Johren, de nu kemen, ünner annern de Jahrbücher für slawische Literatur, Kunst und Wissenschaft rutgeven. 1865 bet 1868 hett he ok dat Slawische Zentralblatt - Wochenschrift für Literatur, Kunst, Wissenschaft und nationale Interessen des Gesamtslawentums maakt. Ok för de Sorbschen Narichten, Serbske Nowiny, hett he as Redaktör arbeidt.