James Rodney Schlesinger

Vun Wikipedia
Zur Navigation springen Zur Suche springen
James R. Schlesinger (2004)

James Rodney Schlesinger (* 15. Februar 1929 in New York City; † 27. März 2014 in Baltimore, Maryland[1]) weer en US-amerikaansch Politiker. Ünner de Präsidenten Richard Nixon un Gerald Ford weer he van 1973 bit 1975 US-Minister för't Verdeffenderen. Ford sien Nahfolger Jimmy Carter hett hüm to'n eersten Energieminister vun de USA maakt.

Wetenschaplich Loopbahn[ännern | Bornkood ännern]

Schlesinger, de in en jöödsch Middelklassfamilie upwuss[1], hett de Horace Mann School un de Harvard University besöcht. Dat Studium hett he 1950 mit den B.A., 1952 mit den M.A. un 1956 mit den Doktertitel Ph.D. in Volkswertschapslehr afslooten. Tüschen 1955 un 1963 lehr he Wertschapswetenschapen an de University of Virginia. 1963 wessel he to de Rand Corporation, wo he bit 1969 as Direkter för strategische Studien arbeiten dee.

Apenlich Ämter[ännern | Bornkood ännern]

James R. Schlesinger (3. vun rechts) an de Siet vun Präsident Ford wiels en Sitzung vun den Natschonalen Sekerheitsraat (1974)

Regeeren Nixon[ännern | Bornkood ännern]

1969 wurr Schlesinger stellvertreden Direkter vun dat Bureau of the Budget un hett sück dor meest blots mit Verteidigungsfragen befaat. In dat Johr 1971 hett hüm Präsident Nixon to'n Vörsitter vun de Atomenergiekommission (AEC) maakt. In den eenenhalf Johr in disse Funktschoon führ Schlesinger umfangriek Reorganisatschonen dör un hett de Effizienz vun de AEC düchtig erhöht.

Direkter vun de CIA[ännern | Bornkood ännern]

An' 2. Februar 1973 wurr he to'n Direkter vun de CIA beropen, nahdem de bitherig Direkter Richard Helms in' Tosommenhang mit den Watergate-Schandaal entlaaten wurrn weer. Ok in dit Amt, dat he söss Maand inneharr, führ he konsequent Restruktureeren dör un hett sück dordör ok in de CIA Gegner maakt

US-Minister för't Verdeffenderen[ännern | Bornkood ännern]

Kört för sien Rückträe hett Nixon Schlesinger an' 2. Juli 1973 in dat Öller vun 44 Johren as Minister för't Verdeffenderen (Secretary of Defense) in sien Kabinett beropen. Dit Amt behull he ok ünner Nixon sien Nahfolger Gerald Ford van 1973 bit 1975. Sien Nahfolger wurr Donald Rumsfeld. In sien Amtstiet as Minister för't Verdeffenderen fullen neben den Endphaas vun den Vietnamkrieg ok de Jom-Kippur-Krieg un de Zypernkrise.

Energieminister[ännern | Bornkood ännern]

Nah dat Utscheeden ut dat Pentagon hett Schlesinger freeberoplich as Schriever un Redner arbeit. Nah de Präsidentenwahl 1976 wurr he (ofschons Liddmaat vun de Republikaansch Partei) in' Oktober 1977 as eerst Energieminister ünner Präsident Jimmy Carter (Demokraatsch Partei) beropen. Dit Amt behull he bit Juli 1979.

Wiedere Aktivitäten[ännern | Bornkood ännern]

Later hett he ünner annern as Senior Adviser bi Kuhn, Loeb & Co. un Lehman Brothers in New York City arbeit. Dorto weer he ok för de Mitre Corporation tätig. An' 11. Juni 2002 wurr he dör US-Präsident George W. Bush in dat Homeland Security Advisory Council beropen.

Warken[ännern | Bornkood ännern]

  • „The Political Economy of National Security“ 1960

Wiederhen is he Schriever vun en Reeg vun Artikeln över dat Thema Globale Erwärmung, in de he de Positschoon vun den Klimaskeptiker vertreeden dee. Toletzt harr Schlesinger sück düütlich för dat Anerkennen vun de Peak-Oil-Theorie utspraken un de Upfaaten vertreden, dat de Welt intüschen dat Fördermaximum bi Eerdööl reckt hett.[2]

Enkeld Nahwiesen[ännern | Bornkood ännern]

  1. a b Timothy R. Smith: James R. Schlesinger, CIA chief and Cabinet member, dies, In: The Washington Post, 27. März 2014 (engelsch)
  2. „WE ARE ALL PEAKISTS NOW – SCHLESINGER“, David Strahan sien Websteed, 17. September 2007[1]

Weblenken[ännern | Bornkood ännern]

Commons-logo.svg James Rodney Schlesinger. Mehr Biller, Videos oder Audiodateien to’t Thema gifft dat bi Wikimedia Commons.