James Ludlow Elliot

Vun Wikipedia

James Ludlow Elliot (* 17. Juni 1943 in Columbus, Ohio; † 3. März 2011 in Wellesley, Norfolk County, Massachusetts) weer en US-amerikaansch Astrophysiker.

He studeer Physik am Massachusetts Institute of Technology un hett 1972 sien Doktertitel in Astronomie an de Harvard University makt. He weer ünner annern Perfesser för Physik an dat MIT un bit to sien Dood, Direkter vun dat George R. Wallace, Jr. Astrophysikalisch Observatorium.

He hett ok to en wetenschaplich Grupp hörrt, dat de Erwärmung up Triton beobachten un utweerten dee.

Umstreeden is, of James Elliot, Edward W. Dunham un Douglas J. Minkam de Ringe vun den Uranus opdeckt, oder of William Herschel de Ringe all in dat Johr 1789 opdeckt hett. In’ Momang gellen Elliot, Dunham un Minkam as de Opdecker.

Elliot weer verheiraadt un harr twee Döchter. Storven is he an en Krebserkrankung.

De Asteroid Elliot is nah hüm nömmt wurrn.

Weblenken[ännern | Bornkood ännern]