Jürgen Husemann

Jürgen Husemann (* 1955 in Hagen) is en düütschen Verwaltungsbeamten.

Husemann is 1955 in Hagen in Westfalen boren. Na dat Abitur hett he en Lehr in de Verwaltung un en Afsluss as Diplomverwaltungsweert maakt. Tosätzlich hett he Weertschop un Verwaltung un Geografie an de Ruhr-Universität Baukem, de Osmania-Universität in Hyderabad un de Universität Köln studeert.

Later weer he Schoolmeester för Weertschop un Verwaltung an dat Kivinan-Beroopsbildungszentrum Zeven.

Bi de Kommunalwahlen in Neddersassen 2006 is he för de Partei Bündnis 90/De Grönen Maat von’n Stadtraad von de Stadt Zeven un Viez-Börgermeester worrn. Bi de Wahlen 2011 is he ok in’n Samtgemeenraad von de Samtgemeen Zeven un in’n Kreisdag von’n Landkreis Rodenborg intagen.

Bi de Wahl an’n 25. Mai 2014 to’n hauptamtlichen Samtgemeenbörgermeester von de Samtgemeen Zeven hett he sik as parteilosen Kannedaat opstellen laten un is ok wählt worrn. He hett an’n 1. November 2014 dat Amt von sien Vörgänger Johann-Dietrich Klintworth övernahmen.

Von wegen en swore Krankheit is Husemann an’n 31. August 2018 vör de Tied in Rohstand gahn. As sien Nafolger is 2019 Henning Fricke wählt worrn.

Husemann hett twee Kinner.

Weblenken

• Husemann sien Websteed (hoochdüütsch)