Józef Różak

Vun Wikipedia
Zur Navigation springen Zur Suche springen

Józef Różak (* 5. Februar 1945 in Kościelisko) is en ehmalger poolsch Biathlet, de Enn‘ vun de 1960er Johren u nto Anfang vun de 1970er Jahre spoodriek internatschonale Rennen bestreeden hett.

Józef Różak weer för WKS Legia Zakopane aktiv, wurr vun Stanisława Zięby traineert un leevt in Zakopane. Eerste internatschonale Meesterschap vun den utbildten Buu wurrn de Olympisch Winterspelen 1968 in Grenoble, wo he an de Siet vun Andrzej Fiedor, Stanisław Łukaszczyk un Stanisław Szczepaniak as Startlöper vun de Staffel as Veertplatzeerter blots um een Rang en olympisch Medaille verpass. In dat Johr dorup wurr he in dat heimischen Zakopane bi de Biathlon-Weltmeesterschapen in dat Eenzel 24. Bi de Biathlon-Weltmeesterschapen 1971 kunn he in Hämeenlinna as Startlöper an de Siet vun Andrzej Rapacz, Aleksander Klima un Józef Stopka in dat Staffelrennen achter de Sowjetunion un Norwegen de Bronzemedaille winnen. In dat Eenzel keem he up den 26 Platz. Letzt Grootereignis wurrn de tweet Olympisch Winterspelen 1972 in Sapporo, wo he an de Siet vun Józef Stopka, Andrzej Rapacz un Aleksander Klima wedderum as Startlöper vun de Staffel up Rang 7 keem.

Natschonal wunn Różak 1969 un 1970 den Titel mit de Staffel. In‘ Skilangloop wurr he 1969 un 1971 Staffelmeester un 1965 Viezmeester.

Weblenken[ännern | Bornkood ännern]