Internatschonale Kampagne to dat Afschaffen vun Atomwappen

Vun Wikipedia
Wesseln na: Navigatschoon, Söök

De Internatschonale Kampagne to dat Afschaffen vun Atomwappen (ICAN - International Campaign to Abolish Nuclear Weapons) is en global Kampagne för dat Afschaffen vun all Atomwappen dör en binnen internatschonalen Verdrag – en Atomwappenkonventschoon. 2016 un 2017 weer de Swoorpunkt de Insatz för un de Mitarbeit an den UN-Verhandlungen för en Atomwappenverbotsverdrag as ersten Träe.

ICAN wurr 2007 bi de Konferenz vun den Atomwappensparrverdrag in Wien vun de IPPNW – Internatschonale Dokters för dat Verhüüden vun den Atomkrieg un anner Organisatschonen in‘t Leven ropen un in twalf Länner start. 2011 harr de Kampagne 200 Liddmaatsorganisatschonen in 60 Länner, 2017 sünd dat 468 Organisationen in 101 Länner.[1] Generalsekretärin is Beatrice Fihn ut Sweden.

ICAN will de global Apenlichkeit de Gefohr vun de 27.000 ut den Koolen Krieg verbleeven Atomwappen dorstellen, in’t Bewusstween ropen, dat Afschaffen in de apenlich Diskussion bringen un Druck up Regeeren utööven. To de wiedere Teelen vun de Kampagne hörrt de Vernetten vun Organisatschonen, de weltwiet för dat Afschaffen vun Atomwappen arbeiten. ICAN arbeit dorup hen, en mögelk breet Basis vun Partnern uptobauen, vun Gewerkschapen över religiöös un humanitäär Institutschonen bit he nto Umweltschuulorganisatschonen.

To de prominent Ünnerstütter vun de Kampagne hörrn de Dalai Lama, de ehmalge Generalsekretär vun de Vereente Natschonen Ban Ki-moon,[2] de Freedensnobelpriesdräger Desmond Tutu un Jody Williams, Jazzpianist Herbie Hancock un Cricketspeler Ian Chappell. An‘ 6. Oktober 2017 wurr de ICAN in Oslo de Freedensnobelpries tospraaken.

Weblenken[ännern | Bornkood ännern]

Enkeld Nahwiesen[ännern | Bornkood ännern]

  1. icanw.org: Partner organizations
  2. [1] UN Secretary-General’s message for Nuclear Abolition Day (June 5) (Ban Ki-Moons Video-Gröötbotschap to ICAN sien Nuclear Abolition Day) (engelsch), Video van‘ 3. Juni 2010; Herutgever: ICAN, afropen an‘ 6. Oktober 2017