International Campaign to Ban Landmines

Vun Wikipedia
Zur Navigation springen Zur Suche springen
Logo vun de International Campaign to Ban Landmines
Verleehn vun den Freedensnobelpries an de Internatschonale Kampagne för dat Verbot vun Landminen un Jody Williams 1997

De International Campaign to Ban Landmines (ICBL), up plattdüütsch Internatschonale Kampagne för dat Verbot vun Landminen, is en Nettwark vun över 1200 nichtstaatlichen Organisatschonen in 90 Länner. De Daakverband hett sien Sitt in Genf. De 1995 grünnd Düütsche Initiativkreis för dat Verbot vun Landminen (later Aktionsbündnis Landmine.de) is Deel vun de ICBL. De Kampagne hett dat Teel dat Landminen weltwiet verboden wurrn.

In’n Verloop vun dat Johr 1991 fungen eenige nichtstaatliche Organisatschonen un Personen gliektiedig an en Diskussion över de Notwennigkeit de Initiativen to’n Verbot vun Antipersonenminen tosommetobringen. In’n Oktober 1992 wurr de ICBL offiziell vun en Tosommensluss vun Handicap International, Human Rights Watch, medico international, Mines Advisory Group, Physicians for Human Rights un de Vietnam Veterans of America Foundation grünnd.

De Kampagne verfolgt en internatschonales Verbot vun Insatz, Produktschoon, Lagerung un Verkoop vun Antipersonenminen, as ok en verstärkten internatschonalen Insatz för humanitäre Minenrüümen un Hülp för Minenopfer.

Af 1992 leepen de Vörbereitungen för en internatschonalen Verdrag, de de Landminen ächten sull. I‘'n September 1997 wurr de Text vun de Mine Ban Treaty schreven un in’n Dezember in dat kanaadsch Ottawa vun mehreren Staaten ünnerschreven. Disse Verdrag wurrd Convention on the Prohibition of the Use, Stockpiling, Production and Transfer of Anti-Personnel Mines and on their Destruction (kört: Ottawa-Konvention) nöömt. För dit Bemöhen kreeg de Kampagne mit hör Koordinatorin Jody Williams 1997 den Freedensnobelpries. Ok Lady Diana hett sück dorför insett.[1]

Bit 1998 wurr dat Verdragswark vun 40 Länner ünnerschreven un ratifizeert, womit dat för disse Staaten an’n 1. März 1999 in Kraft treeden dee. Bither hemm 162 Staaten ünnerschreven, 35 aber noch nich.[2] De Johresbericht 2014 hett so wenig Landminen-Opfer as nie tovör vertekent.[3]

Borns[ännern | Bornkood ännern]

  1. Vörlaag:Cite news
  2. http://www.icbl.org/en-gb/the-treaty/treaty-status.aspx
  3. http://www.icbl.org/en-gb/news-and-events/news/2014/landmine-monitor-2014-launch.aspx

Weblinks[ännern | Bornkood ännern]

Commons-logo.svg International Campaign to Ban Landmines. Mehr Biller, Videos oder Audiodateien to’t Thema gifft dat bi Wikimedia Commons.