Ieslannsche Spraak

Vun Wikipedia
(wiederwiest vun Ieslannsch)

Ieslannsch( ok Ieslannsk, Ieslandsch; Egennaam: íslenska) is een noordgermaansche Spraak, de up Iesland praten warrd. Ieslannsch stammt tomeerst van westnorweegsche Dialekten af. Ieslannsch hett een Barg ole Flekschonen, veel mehr as dat Hoog- oder Nedderdütske. Dat Snacken hett sik söder de Wikingertied een beetjen ännert, man wokeen Ieslannsch lesen kann, kann ook de Texten ut dat Middelolder (so as de Edda) ton Deel verstahn.

Schrievwies[ännern | Bornkood ännern]

Ieslannsch hett noch de germaanschen th-Luut so as dat Ingilsche. De ieslannsche Schrievwies hett twee egen Teken: Ð (groot) un ð (lütt) för den weken Thorn-Luut un Þ för den harden Thorn-Luut. De Bookstaav Þ stammt van een germaansch Ruunteken af.