Hyginus (Bischop vun Rom)

Vun Wikipedia
Hyginus, Fantasiedorgestellen

Hyginus (* in Grekenland, unner Umstänn Athen; † 142 in Rom) weer Bischop vun Rom (um un bi 138–142).

Över Hyginus is nich völ bekannt. He sall ut Athen stammt hemm un sall en Philosophen ween hemm. Oder he weer de Söhn vun en Philosophen ut Athen.

In siene Amtstied as Bischop vun Rom sünd de Gnostikers Valentinus un Kerdon na Rom kamen. Se weern dor up ut, dat se as Frünnen vun den Bischop ankeken weern schollen. Later sünd se avers ut de Karken utslaaten wurrn.

Hyginus warrt as Marteler ankeken, ofschoonst dat dor keen Born mehr för gifft. Sien Festdag is de 11. Januar.

Vörgänger Amt Nafolger
Telesphorus Bischop vun Rom De Beteknung Paapst geev dat eerst af 384.
138 (?) - 142
Pius I.

Weblenken[ännern | Bornkood ännern]