Hydroxyl-Radikal

Vun Wikipedia
Wesseln na: Navigatschoon, Söök

Dat Hydroxyl-Radikal is en von de faakensten Radikalen in de Atmosphäär un is tosamensett ut en Suerstoffatom un en Waterstoffatom. Dat warrt dorüm ok OH-Radikal nöömt, as O un H de Teken för de beiden Elementen sünd.

Dat entsteiht in de Atmosphäär ut Ozon un Water, wenn dor UV-Strahlen opdrapen doot. Mancheener seggt to dat Hydroxyl-Radikal ok chemisch Waschmiddel von de Atmosphäär. Dat hett neemlich groot Bedüden för de reine Luft, as dat Radikal Luftverunreinigen afboen deit.

Aver dat OH-Radikal speelt ok faken en bedüden Rull, wenn wat verbrennt, t. B. bi de Knallgasreakschoon. Dorbi loopt ünnerscheedliche enkelte Reakschonen af:

  • H2 → H + H
  • H + O2 → OH + O
  • O + H2 → OH + H
  • OH + H2 → H2O + H

un noch annere.

Dat Hydroxyl-Radikal is en elektrisch neutral Molekül un dröff nich mit dat (OH)--Ion oder mit de Hydroxyl-Grupp bi organsch Verbinnen verwesselt warrn.