Hunkels
Dat Hunkels oder Kabuus, lat. capsula nucleorum mali, is de Deel in de Midden vun Appels oder Beren, de normolerwiese nich miteten warrt. In't Hunkels sitt de Saat in. Na de Wetenschop vun de Botanik is dat Kabuus en Kranz vun Huutfrüchte (bi Appels fief, bi Beren veer). Um dat Hunkels umto sitt dat Fruchtfleesch, dat vun de Schienfrücht (Appels oder Beren) ehren Blötenbodden produzeert warrt. Bi de so nömmten Steenappels sitt dor keen Huutfrüchte mit weeke Huut in, man dor sitt harte Nöte in dat Fruchtfleesch.
Annere plattdüütsche Naams for dat Hunkels
[ännern | Bornkood ännern]- Lipperland: Hünkelbeun
- Ollenborg: Hunkebunk un Kabuus (Hermann Böning)
- Bremen: Kabuus (neven Hunkels)
- Dithmarschen: Hüüschen un Koornhuus (Peter Neuber)
- Noordneddersassen: Appelkappel (Up de hoochdüütsche WP), Karnhuus (Sass), Hüüschen (Sass), Hüüsken (Sass), Sprall (Sass)
- Sunst noch: Hunkpost ([1])
