Hubertus Menke

Vun Wikipedia
Zur Navigation springen Zur Suche springen

Hubertus Menke (* 31. August 1941 in Warborg) is en Perfesser för Nedderlandistik un Düütsch.

Menke is 1941 as Söhn vun’n Buurn un Politiker Josef Maria Menke boren. He möök 1963 an dat Realgymnasium Geismar dat Abitur un hett denn bet 1969 an de Universitäten Göttingen, Bonn, Köln, Löwen un Mönster Düütsch, Geschicht un Nedderlandsch studeert. Afslaten hett he mit’n Magisterafsluss un mit dat Eerste Staatsexamen. 1974 dee he sien Dokter maken (mit Namengut der frühen karolingischen Königsurkunden) un hett denn an de Universitäten Kiel un Mönster arbeidt. 1982 harr he sien Habilitatschoon (mit de Schrift Nedderländer mit allerhand verdechtiger Religion beflecket) un weer vun 1983 af an an de Christian-Albrechts-Universität Kiel Perfesser. Vun 1992 bet 1994 weer he Dekan an de Philosophische Fakultät un de eerste Vörsitter vun dat Institut för Landsforschung. Vun 1993 bet 2001 weer he Vörsitter vun’n Verein für niederdeutsche Sprachforschung. Siet 2002 is he de Baas vun de Sleswig-Holsteensche Universitätssellschop.

1994 hett Menke den Joost-van-den-Vondel-Pries kregen.