Hongkong-Kumquat

Afdeel:	Magnoliophyta
Klass:	Rosopsida
Ünnerklass:	Rosidae
Ornen:	Sapindales
Familie:	Rutaceae
Geslecht:	Kumquats
Oort:	Hongkong-Kumquat

Wetenschoplich Naam

Fortunella hindsii

Swingle

De Hongkong-Kumquat Fortunella hindsii (Champ. ex Benth.) Swingle, warrt ok as Mini-Kumquat betekent un is en Kumquatplanten-Oort in de Familie ut de Rutenplanten (Rutaceae).

Beschrieven

De Hongkong-Kumquat is en Struuk oder lütten Boom mit Döörn. He hett faste, ledderordige glinstern Blööd mit’n korten nichflögelten Steel. De Blöden sitt to mehreren in de Blattasseln vun de eenjohrigen Drieven. Se sünd lütt, vun witte Klöör un röökt.

De Frücht sünd de lüttsten ut dat Geslecht un se warrt arfen- bit kirschgroot. Se bargt dree bit veer Fruchtfacken un bit to dree Saatköörn. De Frücht sünd teemlich dekorativ, wenn se riep sünd. Se hebbt en lüchten orangene Klöör un en weke Schell. Dat warrt annahmen, dat de Saat vun Singvagels transporteert un verbreedt warrt.

Vörkamen

De Hongkong-Kumquat kummt ut Süüdoostasien. Wille Vörkamen sünd ut Hongkong un de angrenzen Barg- un Hövelrebeden in de chinees’schen Provinz Guangdong bekannt.

Verwennen

De lütten Frücht gellt as bedingt egent to’n Geneet, faken sünd se bannig suer oder bidder. Vun Frünnen warrt de Plant as Küüpplant optogen un pleegt. se egent sik goot to’n Optehn as’n dekorativen Bonsai. As Hongkong-Kumquats teemlich fröh to fruchten anfangt un se ok bannig produktiv sünd, sünd se ok al to’n Tügen vun Citrus-Hybriden insett worrn, üm dorut Planten mit disse Egenschoppen tostanenn to kriegen. Bekannte Hybriden sünd:

Procimequat (C. aurantifolia x Fortunella) x F. hindsii

Weblenken