Hoer

Hoer (hoochdüütsch Hörde) is en Stadtdeel in'n Stadtbezirk Hoer vun Düörpm. De Stadtdeel is 5,91 km² groot. Dor liggt de Phoenix-See. In't Wapen is de Hoerer Borg. Dat warrt plaant, dor een Kunstmuseum to grünnen. In Hoer sünd dat Olpketaltheater vun Bruno Knust un dat Hansa Theater Hoer. In Hoer gifft dat ene Stadtdeelbökerie. Hoer liggt an de Iämscher. An den 31. Dez. 2007 läwten 23.156 Minschen in Hoer. De Vörwahl is 0231. Dat Wahrteken vun Hoer is de Klock Ranke Mathilde. De Ringvereen AC Hoer 04 is bekannt. In Hoer steht ene Baadanstalt, de den Vereen SSC Hoer 54/58 e. V. höört.

Verkehr

De Stadtdeel liggt ook an de Bunnsstraten 1, 236 un 54. Dat gifft dor ook de Autobahn 45. De Bahnhoff weer för Barg- un Stahlwarken wichtig. De Hoerer Kreisbahn harr vun 1899 ene Stratenbahnverbindung nah Aplerbeck. De Bahnlienen in den Bahnhoff Hoer sünd de Ardey-Bahn (vun Düörpm nah Schweierte un Iserlaun), de Hellwegbahn (vun Düörpm nah Unna un Saust) un de Sauerlandexpress RE 57 (vun Düörpm nah Bestwig un Winterberg). De Statschonen Willem-van-Vloten-Straße, Hoer Bf un Clarenberg vun de Stadtbahn U41 sünd ünner de Eer. Vele Buslienen sünd an den Bahnhoff, nich bloots nah andere Statschonen in Düörpm, man ook nah Schweierte.

Historie

Hoer weer vun 1340 ene Stadt. In’t Medelöller geev dat Wienbo in Hoer. Hoer weer Hansestadt. Bet 1911 weer Hoer ene Stadt in’n Kreis Hoer, denn ene kreisfree Stadt. Siet den 1. April 1928 höört Hoer to Düörpm. Hoer weer ene vun de drei Kreisstäder vun de Graafschop Mark. Dat geev dor Bargbo. Dat Stahl- un Hüttenwark Phoenix, dat Hoer ook in annere Regionen bekannt meek, geev dat bet 2001. Vun 1947 geev dat de Hoerer Molerschool.

Weblenken

• Fotos ut Hoer (hoochdüütsch)
• Ranke Mathilde (hoochdüütsch)
• Biller un Berichten ut Hoer (hoochdüütsch)