Hinrich Heineke

Vun Wikipedia
Zur Navigation springen Zur Suche springen

Hinrich Heineke (* 14. März 1927; † 26. September 2009) weer en düütschen Ünnernehmer un Politiker von de CDU.

Heineke is 1927 boren. He weer von 1955 bet 1996 as technischen Koopmann Geschäftsföhrer un Sellschopper von dat Ünnernehmen Heineke-Borco. Von 1989 bet 1996 hett he as Präsident dat Leid över de IHK Stood hatt.

He hett sik för de CDU in de Politik engascheert. Von 1972 bet 1988 weer he Maat in’n Stadtraad von de Stadt Rodenborg un von 1974 bet 1984 ok Börgermeester.

Von 1988 bet 1995 weer he in’n Opsichtsraad von de Breemsche Volksbank.

1995 hett he to de Rodenbörger 800-Johr-Fier de Skulptur Dree Generatschonen stift, de de Künstler Carsten Eggers schapen hett un de nu in de Binnenstadt von Rodenborg steiht.

Ehren[ännern | Bornkood ännern]

He is 1997 Ehrenbörger von de Stadt Rodenborg worrn un hett 1991 dat Bundsverdeenstkrüüz kregen.

2018 hett en 154 Meter lange Straat in dat Rodenbörger Gewarvrebeed Hogenesch den Naam Hinrich-Heineke-Straat kregen.