Hinnerk Dunkhase

Vun Wikipedia
Zur Navigation springen Zur Suche springen

Hinnerk Willem Dunkhase (* 22. Januar 1857 in Syuggewarden; † 18. Januar 1905) is de Grünner van’n freeschen Klootscheterverband.

Denkmal för Dunkhase in Braav, dat de freesche Klootscheterverband 1932 to sien Ehren opstellt hett

Dunkhase is 1857 in Syuggewarden as Söhn van en Buurn boren un hett denn later den Hoff van sien Öllern övernahmen. He hett sik ok insett, dat Butjarland in Braav en egen Meieree kriegen schull. Van disse ne’e Meieree is he 1894 ok de Vörsitter van worrn un bet to sien Dood bleven. Blangen de Bueree hett he sik vör allen ok för dat Klootscheten insett. He weer man sülvst mehr en Fips un heet dorvan ok Littje Hinnerk, weer aver doch en groten Smieter. 1901 weer Dunkhase Bahnwieser van Butjardingen. He mark aver, dat dat mit’n Sport nich to’n Besten stünn. Veel leep dor ut’e Reeg. He wull dor för sorgen, dat de Sport eernsthaftiger bedreven warrt un nich blot in Supen un Strieden. So hett sik Dunkhase insett, dat all de freeschen Klootscheters sik an’n 25. Mai 1902 in en Verband tohoopsluut un denn ok klore Regeln för den Sport opstellt. Dunkhase weer van disse Tiet an bet to sien Dood de Präsident van dissen Verband. Doodbleven is Dunkhase 1905. He harr de Daag vörher dat Verbandsklootscheterfest in Esens besöcht. He weer sounso van de Gesundheit her anslagen un hett sik dor so böös verköhlt, dat he an’n 18. Januar storven is.