Hillgriet Eilers
Hillgriet Eilers (* 7. März 1959 in Hint) is en düütsch Politikerin vun de FDP un weer van 2013 bit 2022 Liddmaat vun den Landdag in Neddersassen.
Nah dat Abitur in Emden hett Eilers klassische un moderne Sinologie un Wertschapswetenschapen an de Universität Chöttingen un in Taipeh (Republiek China) studeert un mit en Magister Artium afslooten. An dat Goethe-Institut för Düütsch as Frömdspraak hett se sück wiederbillen laaten. Dornah hett se as Lehrkraft an Hoochschoolen un Instituten arbeit. Se hörrt dat Helene-Weber-Berufskolleg an; 2011 kreeg se den Helene-Weber-Pries.
2000 is Eilers in de FDP intreeden. Dor was se Vörsitterin vun den Kreisverband Emden as ok de Liberalen Frauen Niedersachen. 2001 truck se eerstmals in den Emder Stadtraat in, in de se stellvertreden Fraktschonsvörsitter is. 2013 wurr se in den Landdag wählt. Wiel de FDP bi de Landdagswahl 2022 nich noog Stimmen kreeg un ünner 5% bleev, keem ok Hillgriet Eilers nich weer in den Landdag.
Eilers is verheiraadt un Moder vun en Dochter.