Hermann Gullasch

Vun Wikipedia
Zur Navigation springen Zur Suche springen

Hermann Gullasch (* 27. Februar 1900 in Lübbenau/Spreewald; † 24. September 1969 in Bremerhoben) weer en düütschen Politiker von de SPD.

Gullasch is 1900 as Söhn von en Bahnbeamten in Lübbenau boren. Na de Volksschool hett he en Lehr in de Verwaltung in Lübbenau maakt un weer bet 1922 Verwaltungsgehülp bi’n Magistraat von de Stadt Lübbenau. He weer denn op de Verwaltungsfachschool Berlin un de Verwaltungsakademie Hamborg. 1933 hett he de Diplomprüfung as Kommunalbeamten maakt. He weer in de Johren 1920 för de SPD un de Gewerkschaft aktiv. Dorüm is he 1933 von de Natschonalsozialisten ut’n Staatsdeenst entlaten worrn. Bet 1939 weer he bi en Groothannel un bi en Levensversekerung anstellt. Von 1939 bet 1945 weer he Soldaat in’n Tweten Weltkrieg un bet August 1945 Kriegsfungenen. Denn is em dat Leid över dat Stüüramt in Hamborg överdragen worrn.

I’n Juni 1946 is he Böverstadtdirekter von Wersermünn worrn. Bi de Wahl to’n Böverbörgermeester von Bremerhoben dör de Stadtverorntenversammlung hett he sik 1948 as Sozialdemokrat mit de Stimmen von CDU, FDP, DP un KPD gegen den vörigen Böverbörgermeester Gerhard van Heukelum (SPD) dörsett. Ünner van Heukelum harr de Stadt Wersermünn den Naam Bremerhoben kregen un is Deel von de Fre’e Hansestadt Bremen worrn. Dat Havenrebeed is bi de Stadt Bremen bleven. Düsse Politik weer de Partein, de Gullasch ünnerstütt hebbt, nich na de Mütz. Gullasch sien Verhältnis to de SPD hett dor swoor ünner leden.

In siene Tied hebbt ünner annern dat Werserbad un dat Stadttheater Bremerhoben apenmaakt. De Siedlungen An’n Börgerpark in Geestmünn, Op’n Eckernfeld in Leh, Brillenmoor un Gröönhöben in Geestmünn sünd boot worrn, de eerste Fohrgastanlaag Columbusbahnhoff op de Columbuskai is anleggt un de Fischereehaven utboot worrn. 1954 harr Gullasch Problems mit de CDU, DP un FDP, as dat dor üm güng Grundstücken för amerikaansche Bövörhebbens (Blink-Affäär) beslagtonehmen. Ok mit’n Senaat von de Fre’e Hansestadt Bremen weer he in Kunflikt, de em von siene Sitzungen utslaten hett. De SPD wull denn en Misstroonsandrag gegen em stellen. Aver noch bevör dat so wied kamen dee, is Gullasch an’n 3. März 1957 as Böverbörgermeester trüggpeddt. As sien Nafolger is in’n Februar 1958 Bodo Selge (SPD) wählt worrn.