Hermann Creutzenberg

Vun Wikipedia
Wesseln na: Navigatschoon, Söök

Hermann Creutzenberg (* 14. September 1923 in Hartsgast; † 22. Dezember 1998 in Wittmund) weer en düütsch Politiker (CDU).

Creutzenberg hett eerst de Volksschool besöcht, doran sloot sück en Fortbillensschool un denn noch de Fachschool. In’n Tweeten Weltkrieg hett he dree Johr lang Kriegsdeenst leist. An’ 1. September 1942 wurr he NSDAP-Liddmaat (Liddmaatsnummer 9129630). [1] Siet 1950 weer Creutzenberg as sülvständig Buer tätig. 1968 wurr he Vörsitter vun den CDU-Kreisverband in Wittmund. He weer Liddmaat un Vörstandsliddmaat in mehreren Verbänden un Vereenen. In Hartsgast weer he siet 1952 Ratsherr un tüschen 1958 un 1972 Börgermeester un ehrenamtlich Gemeendirekter.

Siet 1960 weer he Kreisdagsafordnter un tüschen 1964 un 1977 as ok af 1980 weer he Landraad vun den Landkreis Wittmund. Creutzenberg wurr in de 7. bit 10. Wahlperiood van 1970 bit 1986 Liddmaat vun den Landdag in Neddersassen. In’ Landdag weer he van 1978 bit 1982 Vörsitter vun den Utschuss för Habens un Schippfohrt.

Ehrungen[ännern | Bornkood ännern]

Creutzenberg kreeg dat Bundsverdeenstkrüüz an‘ Band un den Neddersassischen Verdeenstoorden Eerst Klass.

Literatur[ännern | Bornkood ännern]

  • Barbara Simon: Abgeordnete in Niedersachsen 1946–1994. Biographisches Handbuch. 1996, S. 67.

Borns[ännern | Bornkood ännern]

  1. Hans-Peter Klausch: Braune Wurzeln - Alte Nazis in den niedersächsischen Landtagsfraktionen von CDU, FDP und DP. Zur NS-Vergangenheit von niedersächsischen Landtagsabgeordneten in der Nachkriegszeit (PDF-Datei; 1,73 MB) S. 19