Herbert Ehrenberg
Herbert Ehrenberg (* 21. Dezember 1926 in Collnischken, Kreis Goldap/Ostpreußen; † 20. Februar 2018 in Willemshaven) weer en düütsch Politiker (SPD.
He keem ut de Gewerkschap un fung sien politisch Loopbahn in Neddersassen an. 1955 is he in de SPD intreeden. 1958 hett he sien Doktertitel an de Georg-August-Universität in Chöttingen maakt. Ehrenberg hörr to de Mitbegrünner van den konservativen Seeheimer Kreis binnerhalv van de Partei un seet van 1974 bit 1984 in dat SPD-Präsidium. Twee Johr vörher he weer he all as direkt wählt Afordneter in den Bundsdag wählt wurrn – dat bleev he bit 1988. Ünner Bundskanzler Helmut Schmidt weer he denn van 1976 bit 1982 Arbeitsminister van Düütschland.
Nah sien Amtstiet hett he 1983 gemeensam mit den Schriever Dieter Lattmann de Künstlersozialversekerung grünnd, de hüüd meest 187.000 sülvständigen Künstlern un Publizisten en Togang to de gesettlich Kranken-, Pleeg- un Rentenversekerung verschafft. De Versekerung hett ehrn Seet in Willemshaven.
1987 wurr he mit dat Bundsverdeenstkrüüz uttekent. En paar Week för sien Dood is sien Fru Isa storven.
